Fact Check: दिल्लीत पाकिस्तानच्या समर्थनार्थ घोषणा देणारी व्यक्ती मुस्लिम असल्याचा दावा खोटा आहे

Claim
दिल्लीतील एका इमारतीवर मुस्लिम व्यक्तीने पाकिस्तान समर्थक घोषणा लिहिल्या.
Fact
आरोपी मुस्लिम नाही. जसवंत सिंग असे त्याचे नाव आहे.

दिल्लीतील अवंतिका येथील एका इमारतीत पाकिस्तानचे समर्थन करणारे पोस्टर आणि घोषणा देणारा व्हिडिओ सोशल मीडियावर व्हायरल झाला आहे. घोषणा लिहिणारी व्यक्ती मुस्लिम असल्याचा दावा करण्यात आला आहे.

हा व्हायरल व्हिडिओ सुमारे 4 मिनिटांचा आहे, ज्यामध्ये एक तरुण एका इमारतीच्या आत पाकिस्तान समर्थक घोषणा देत आहे. तरूण आणि त्याच्यासोबत उपस्थित असलेले लोकही एका व्यक्तीशी बाचाबाची करताना दिसत आहेत, ज्याने वादग्रस्त घोषणा लिहिल्याचाही आरोप आहे.

हा व्हिडिओ X अकाउंटवर शेअर करताना असे लिहिले आहे की, “देश की राजधानी दिल्ली के अवंतिका के सी ब्लॉक में एक मुस्लिम ने अपने बिल्डिंग के चारों तरफ और अपने फ्लैट में जगह-जगह पाकिस्तान जिंदाबाद लांग लिव पाकिस्तान के नारे जगह-जगह लिखा और काफीर लोगों को मारेंगे सिर्फ दो कौम रहेगी या तो हम या काफीर लिखा और जब इसे पुलिस ने पकड़ा तब ये कह रहा है कि मुझे पाकिस्तान से मोहब्बत है और यह हिंदुओं के छोटे-छोटे बच्चों को मारेगा काफिरों को मारेगा”.

याशिवाय, हा व्हिडिओ देखील अशाच दाव्यासह शेअर करण्यात आला आहे, ज्यामध्ये घोषणा लिहिणारी व्यक्ती अप्रत्यक्षपणे विशिष्ट धर्माशी संबंधित असल्याचे वर्णन केले आहे.

Fact Check/ Verification

व्हायरल व्हिडिओची तपासणी करण्यासाठी, न्यूजचेकरने प्रथम Google वर संबंधित कीवर्ड शोधले. यादरम्यान आम्हाला न्यूज एक्सच्या वेबसाइटवर 5 ऑगस्ट 2024 रोजी प्रकाशित झालेला रिपोर्ट सापडला.

वृत्तानुसार, दिल्लीतील रोहिणी भागातील अवंतिकामध्ये घरावर पाकिस्तान समर्थक घोषणा आणि आक्षेपार्ह पोस्टर्स लिहिल्याचं प्रकरण समोर आलं आहे. त्यानंतर पोलिसांनी या प्रकरणी 64 वर्षीय जसवंत सिंह यांना ताब्यात घेतले. तो मानसिकदृष्ट्या कमकुवत असल्याचेही प्राथमिक तपासात समोर आले आहे.

रिपोर्टमध्ये पुढे असेही म्हटले आहे की, दिल्ली पोलिस आणि आयबीच्या विशेष सेलने जसवंतची चौकशी केली, ज्यामध्ये कोणताही संशयास्पद हेतू उघड झाला नाही. याप्रकरणी त्याची पार्श्वभूमी आणि कुटुंबाची चौकशी करण्यात येत आहे.

दरम्यान, आम्हाला अमर उजालाच्या वेबसाइटवर 4 ऑगस्ट 2024 रोजी प्रकाशित झालेला रिपोर्ट देखील सापडला. या वृत्तात व्हायरल झालेल्या व्हिडिओतील दृश्येही होती.

अमर उजालाच्या वृत्तानुसार, दिल्लीतील रोहिणी जिल्ह्यातील अवंतिका सी-ब्लॉक भागातील एका फ्लॅटमध्ये पाकिस्तानच्या समर्थनार्थ लिहिलेल्या घोषणांचे प्रकरण समोर आल्यानंतर तणाव पसरला होता, त्यानंतर अनेक लोक फ्लॅटभोवती जमा झाले होते. लोकांनी तिथे जाऊन त्याचा व्हिडिओ बनवला आणि व्हायरल केला. यानंतर दिल्ली पोलिसांनी तेथे पोहोचून आरोपीला ताब्यात घेतले.

यानंतर पोलीस आणि गुप्तचर यंत्रणेच्या पथकाने त्याची चौकशी केली. या अहवालात रोहिणीचे पोलीस उपायुक्त गुरिकबाल सिंग यांचे विधानही आहे, ज्यात त्यांनी स्पष्ट केले की, पाकिस्तानच्या समर्थनार्थ घोषणा देणारी व्यक्ती मुस्लिम नाही. याशिवाय त्यांची मानसिक स्थिती ठीक नसल्याचेही अहवालात सांगण्यात आले आहे.

ज्यामध्ये आरोपीच्या नावाचा उल्लेख असलेले अधिक रिपोर्ट उपलब्ध नसल्याने, आम्ही हे प्रकरण ज्या विजय विहार पोलीस ठाण्याचे एसएचओ विजय कुमार यादव यांच्याशी संपर्क साधला. व्हायरल दाव्याचे खंडन करताना ते म्हणाले, “त्या व्यक्तीचे नाव जसवंत सिंग आहे आणि त्याच्या वडिलांचे नाव सॅम्युअल आहे. तो मुस्लिम नाही. या व्यक्तीची मानसिक स्थिती ठीक नव्हती, त्यामुळे गुन्हा दाखल करण्यात आला नाही.”

Conclusion

रोहिणीतील या घटनेत सहभागी असलेल्या व्यक्तीचे नाव जसवंत सिंग असून तो मुस्लिम नाही, हे आमच्या तपासात सापडलेल्या पुराव्यांवरून स्पष्ट झाले आहे.

Result: False

Our Sources
Article by NewsX on 5th August 2024
Article by Amar Ujala on 4th August 2024
Telephonic Conversation with Vijay Vihar SHO

(हे आर्टिकल न्यूजचेकर हिंदीसाठी सर्वप्रथम रुंजय कुमार यांनी केले असून ते इथे वाचता येईल.)

कोणत्याही संशयास्पद बातम्यांवरील तपास, दुरुस्ती किंवा इतर सूचनांसाठी, आम्हाला व्हाट्सएप करा: 9999499044 किंवा ईमेल करा: checkthis@newschecker.in. फॅक्टचेक्स आणि ताज्या अपडेटसाठी आमच्या WhatsApp चॅनेलला फॉलो करा