Claim
मुख्यमंत्री उद्धव ठाकरे, शरद पवार, देवेंद्र फडणवीस आणि संजय राऊत यांनी एकत्र तान्हाजी चित्रपट पाहिला.
Verification
पुणेरी टोमणे या फेसबुक पेजवर मुख्यमंत्री उद्धव ठाकरे, राष्ट्रवादी काॅंग्रेसचे प्रमुख शरद पवार, भाजपाचे नेते देवेंद्र फड़णवीस आणि शिवसेना प्रवक्ते संजय राऊत यांचा एकत्रित फोटो शेअर करण्यात आला असून यात म्हटले आहे की सगळे नेते एकत्र तान्हाजी सिनेमा पाहत आहेत आणि कार्यकर्ते मात्र बाहेर आपापसात भांडत आहेत.
आम्ही याबाबत पडताळणी सुरू केली. गूगलवर यासंदर्भात शोध घेतला असता या नेत्यांनी एकत्रित तान्हाजी चित्रपट पाहिल्याची बातमी कोठेही आढळली नाही. यानंतर आम्ही हा फोटो नेमका कधीचा आहे हे पडताळून पाहण्यासाठी गूगल रिव्हर्स इमेजच्या साहाय्याने शोध घेतला असता आम्हाला आज तक या हिंदी वृत्तवाहिनीच्या संकेतस्थळावर हा फोटो आढळून आला.
आज तक च्या बातमीनुसार हा फोटो गेल्यावर्षीचा आहे. तत्कालिन मुख्यमंत्री देवेंद्र फडणवीस यांनी देखील हा फोटो आपल्या ट्विटर हॅंडलवर शेअर केला होता.
CM @Dev_Fadnavis attends ‘Manacha Mujra-Balasaheb Thackeray’ a program on Colours Marathi, in Mumbai this evening. ShivSena leader Uddhav Thackeray , @Nawazuddin_S and many dignitaries were present. pic.twitter.com/haTF7dX4xs
— CMO Maharashtra (@CMOMaharashtra) January 14, 2019
सीएमओच्या ट्विटमध्ये म्हटले आहे की कलर्स वाहिनीच्या मानाचा मुजरा- बाळासाहेब हा कार्यक्रम पाहण्यासाठी मुख्यमंत्री देवेंद्र फडणवीस यांनी हजेरी लावली. यावेळी शिवसेना प्रमुख उद्धव ठाकरे देखील उपस्थित होते.
यावरुन हेच स्पष्ट होते की सोशल मीडियावर व्हायरल होत असलेला फोटो हा एक वर्षापूर्वीच्या आहे. वरील चारही नेत्यांनी मिळून तान्हाजी सिनेमा पाहतानाचा हा फोटो नाही तर बालासाहेब ठाकरेवरील गेल्या वर्षी आयोजित केलेल्या कार्यक्रमातील फोटो आहे.
Sources
- Google Reverse Image
- Facebook Search
Result- False
(कोणत्याही संशयास्पद बातमीच्या पडताळणीसाठी, सुधारणा किंवा अन्य सुचनांसाठी आम्हाला checkthis@newschecker.in वर ईमेल करा अथवा 9999499044 या व्हाट्सएप्प नंबरवर मॅसेज पाठवा.)
