Copyright © 2022 NC Media Pvt. Ltd. All Rights Reserved.
Fact Check
கன்வார் யாத்ரிகளின் லாரியின் கீழ் விழுந்து இறந்த வாஹித் என்று பரவும் பழைய வீடியோ!
Claim
கன்வார் யாத்ரிகள் சென்ற லாரியின் கீழ் வேண்டும் என்றே விழுந்து இறந்த வாஹித்
Fact
வைரலாகும் வீடியோ கடந்த 2017ஆம் ஆண்டு நடைபெற்ற சம்பவமாகும்.
கன்வார் யாத்ரிகள் சென்ற லாரியின் கீழ் வேண்டும் என்றே விழுந்து இறந்த வாஹித் என்கிற இஸ்லாமியர் என்பதாக வீடியோ ஒன்று சமூக வலைத்தளங்களில் பரவுகிறது.
”இந்த ஆட்கள் எவ்வளவு ஆபத்தானவர்கள்.
நேற்று சஹாரன்பூரின் தியோபந்தில், கன்வார் யாத்ரீகர்களை ஏற்றிச் சென்ற லாரியின் அடியில் வேண்டுமென்றே மோதி “வாஹித்” என்ற நபர் இறந்தார். காவல்துறையினருக்கு ஒரு வீடியோ கிடைத்தபோது கலவரம் தொடங்கியது.” என்பதாக இந்த பதிவு நீள்கிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: இந்துப்பெண்ணை காதலித்து ஏமாற்றிய முஸ்லீம் இளைஞர் என்னும் வீடியோ உண்மையா?
Fact Check/Verification
கன்வார் யாத்ரிகள் சென்ற லாரியின் கீழ் வேண்டும் என்றே விழுந்து இறந்த வாஹித் என்று பரவும் வீடியோ தகவல் குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த ஜூலை 18, 2017ஆம் ஆண்டு Rajan Shukla என்கிற X பக்கத்தில் இந்த வீடியோ பகிரப்பட்டிருந்ததை நம்மால் காண முடிந்தது.
தொடர்ந்து, சஹாரன்பூர் காவல்துறை சார்பில் அவர்களுடைய அதிகாரப்பூர்வ சமூக வலைத்தளப்பக்கத்தில், இது பழைய மற்றும் தவறான செய்தியாகும். கடந்த 2017ஆம் ஆண்டே இச்சம்பவத்திற்கான நடவடிக்கை எடுக்கப்பட்டுவிட்டது என்று விளக்கமளிக்கப்பட்டுள்ளது.
மேலும், உபி காவல்துறையின் உண்மையறியும் சமூக வலைத்தளப்பக்கத்திலும் இந்த விளக்கம் பதிவிடப்பட்டுள்ளது.
அதுமட்டுமின்றி, கடந்த 2017ஆம் ஆண்டிலேயே இந்த சம்பவம் குறித்த செய்தி ஊடகங்களில் இடம்பெற்றுள்ளது. அச்சம்பவே தற்போதைய ஒன்று என்பதாக தவறாக பரப்பப்படுகிறது.
Also Read: அதிமுகவிலிருந்து கடம்பூர் ராஜூ நீக்கப்பட்டதாகப் பரவும் நியூஸ்கார்ட் உண்மையா?
Conclusion
கன்வார் யாத்ரிகள் சென்ற லாரியின் கீழ் வேண்டும் என்றே விழுந்து இறந்த வாஹித் என்று பரவும் வீடியோ கடந்த 2017ஆம் ஆண்டு முதலே பரவி வருகிறது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Sources
X Post from, Rajan Shukla, Dated July 18, 2017
X Post from, Saharanpur Police, Dated July 20, 2022
RESULT
Missing Context
Missing Context
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
