மோடி நன்றி கெட்டவர் என்று அதானி கூறியதாக பரவும் நியூஸ்கார்டு உண்மையானதா?

‘மோடி நன்றி கெட்டவர் என தொழிலதிபர் கவுதம் அதானி கடும் விமர்சனம்’ என குறிப்பிட்டு நியூஸ்கார்டு ஒன்று சமூக ஊடகங்களில் பரவி வருகின்றது.

Post Link

Post Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: திமுக ஆட்சியில் சமீபத்தில் நடைபெற்ற சாதிய வன்கொடுமை என்று பரவும் வீடியோ தகவல் உண்மையா?

Fact Check/Verification

மோடி நன்றி கெட்டவர் என்று அதானி கூறியதாக பரவும் நியூஸ்கார்டில் சன் நியூஸ் ஊடகத்தின் லோகோ இடம்பெற்றிருப்பதால் அந்த ஊடகம் இந்த நியூஸ்கார்டை வெளியிட்டதா என அந்த ஊடகத்தின் சமூக ஊடகப் பக்கங்களில் தேடினோம்.

இத்தேடலில் சன் நியூஸ் வைரலாகும் நியூஸ்கார்டை வெளியிட்டிருக்கவில்லை. மாறாக டிரம்ப் நன்றி கெட்டவர் என்று எலன் மஸ்க் விமர்சித்ததாக நியூஸ்கார்டு ஒன்றை வெளியிட்டிருந்ததை காண முடிந்தது.

இந்த நியூஸ்கார்டை வைரலாகும் நியூஸ்கார்டுடன் ஒப்பிட்டு பார்க்கையில், இந்த கார்டை எடிட் செய்தே வைரலாகும் நியூஸ்கார்டு உருவாக்கப்பட்டுள்ளது என அறிய முடிந்தது.

இதனையடுத்து சன் நியூஸ் டிஜிட்டல் பொறுப்பாளர் மனோஜை தொடர்புக் கொண்டு வைரலாகும் நியூஸ்கார்டு குறித்து விசாரிக்கையில் வைரலாகும் நியூஸ்கார்டு எடிட் செய்யப்பட்டது என்பதை அவரும் உறுதி செய்தார்.  

Also Read: செப்டம்பர் 1 முதல் 500 ரூபாய் நோட்டுகள் ஏடிஎம்மில் கிடைக்காது என்றதா ரிசர்வ் வங்கி?

Conclusion

மோடி நன்றி கெட்டவர் என்று அதானி கூறியதாக என்று பரவும் நியூஸ்கார்டு எடிட் செய்யப்பட்டதாகும்.  இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
X post by Sun News, Dated June 6, 2025
Phone Conversation with Manoj, Digital Head, Sun News