Copyright © 2022 NC Media Pvt. Ltd. All Rights Reserved.
Fact Check
ATM கட்டணம் ₹2லிருந்து ₹23ஆக உயர்த்தப்பட உள்ளதாக தந்தி தொலைக்காட்சி வெளியிட்ட செய்தி உண்மையா?
Claim
ATM கட்டணம் ₹2லிருந்து ₹23ஆக உயர்த்தப்பட உள்ளது.
தந்தி தொலைக்காட்சி வெளியிட்ட பதிவை இங்கே காணலாம்.
Also Read: அதிமுக பாஜகவுடன் மீண்டும் கூட்டணி என்பது தற்கொலைக்கு சமம் என்றாரா செம்மலை?
Fact
வரையறுக்கப்பட்ட இலவசப் பரிவர்த்தனைகளுக்கு பிறகு வசூலிக்கப்படும் ATM கட்டணம் ₹2லிருந்து ₹23ஆக உயர்த்தப்பட உள்ளதாக தந்தி தொலைக்காட்சி செய்தி வெளியிட்டதை தொடர்ந்து இதுக்குறித்து தேடினோம்.
இத்தேடலில் ரிசர்வ் வங்கி வெளியிட்ட அறிவிப்பு ஒன்றை நம்மால் காண முடிந்தது. அந்த அறிவிப்பில், வரையறுக்கப்பட்ட இலவசப் பரிவர்த்தனைகளுக்கு ( மெட்ரோ நகரங்களுக்கு 3 பரிவர்த்தனைகள்/ மெட்ரோ அல்லாத நகரங்களுக்கு 5 பரிவர்த்தனைகள்) பிறகு நடத்தப்படும் ATM பரிவர்த்தனைகளுக்கு ₹23 வரை கட்டணம் வசூலிக்கப்படலாம். இந்த உத்தரவானது மே 01, 2025 முதல் அமலுக்கு வருகின்றது என தெரிவிக்கப்பட்டிருந்தது.
இதனையடுத்து தற்போது இக்கட்டணம் எவ்வளவு வசூலிக்கப்படுகின்றது என்று தேடினோம். இத்தேடலில் அனைத்து வங்கிகளிலும் சராசரியாக ₹21 வரை இக்கட்டணம் வசூலிக்கப்படுவதை அறிய முடிந்தது.
இந்தியன் வங்கி, எஸ்பிஐ, ஹெச்டிஎஃப்சி, ஆக்ஸிங் வங்கி உள்ளிட்ட வங்ககளின் இணையத்தளத்தில் கொடுக்கப்பட்டுள்ள தகவல்கள் வழியாக இதை அறிந்து கொண்டோம்.
இதன்படி பார்க்கையில் ATM கட்டணமானது ₹2 உயர்த்தப்படவிருக்கின்றது என அறிய முடிகின்றது. அதாவது ₹21லிருந்து ₹23ஆக உயர்த்தப்படவிருக்கின்றது.
ஆகவே ATM கட்டணம் ₹2லிருந்து ₹23ஆக உயர்த்தப்பட உள்ளதாக தந்தி தொலைக்காட்சி வெளியிட்ட செய்தி தவறானது என உறுதியாகின்றது.
Also Read: அதிமுக என்னும் பேரியக்கம் கொள்கையில் இருந்து விலகுவது மனதை ரணமாக்குகிறது என்றாரா அன்வர் ராஜா?
Sources
Circular from RBI Website
Indian Bank Website
SBI Website
HDFC Website
Axis Bank Website
RESULT
Partly False
Partly False
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
