கரூர் நெரிசலில் உயிரிழந்தவர்களின் குடும்பத்தாரை விஜய் சந்தித்ததாக பரவும் பழைய படங்கள்!

கரூர் நெரிசலில் உயிரிழந்தவர்களின் குடும்பத்தாரை தவெக தலைவர் விஜய் நேற்று (27/10/2025) மாமல்லபுரத்தில் உள்ள நட்சத்திர ஓட்டலில் சந்தித்தார்.

இந்த சந்திப்பின்போது எடுக்கப்பட்ட புகைப்படங்கள் என்று கூறி புகைப்படங்கள் சில சமூக ஊடகங்களில் பரவி வருகின்றது.

Post Link

Post Link

ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: இந்து சடங்குகளின்படி விளக்கேற்றியதால் இந்து மனைவியை இஸ்லாமிய கணவர் தாக்கினாரா?

Fact Check/Verification

கரூர் நெரிசலில் உயிரிழந்தவர்களின் குடும்பத்தாரை தவெக தலைவர் விஜய் சந்தித்தாக புகைப்படங்கள் சில பரவியதை தொடர்ந்து இதுக்குறித்து ஆராய்ந்தோம்.

முதல் படம்: பெண் ஒருவருடன் விஜய் கைக்குலுக்கும் படம்

இப்படம் குறித்து அறிய இப்படத்தை ரிவர்ஸ் சர்ச் முறைக்கு உட்படுத்தினோம்.

அதில் தமிழக வெற்றிக் கழகத்தின் தகவல் தொழில்நுட்ப அணியின் அதிகாரப்பூர்வ இன்ஸ்டாகிராம் பக்கத்தில் “தூய்மைப் பணியாளர்களின் போராட்டத்திற்கு ஆதரவாகத் தமிழக வெற்றிக் கழகம் என்றும் துணை நிற்கும்!” என்று குறிப்பிட்டு ஆகஸ்ட் 11, 2025 அன்று புகைப்படங்கள் சில பகிரப்பட்டிருந்ததையும் அப்படங்களில் ஒன்றாக வைரலாகும் படம் இடம்பெற்றிருப்பதையும் காண முடிந்தது.

இரண்டாம் படம்: பெண்மணிகள் இருவருக்கு தேநீர் அல்லது குளம்பி தரும் விஜய்.

இப்படங்கள் குறித்து அறிய இவற்றை ரிவர்ஸ் சர்ச் முறைக்கு உட்படுத்தினோம்.

அதில் தவெக தகவல் தொழில்நுட்ப அணியின் அதிகாரப்பூர்வ இன்ஸ்டாகிராம் பக்கத்தில் தமிழக வெற்றிக் கழகத் தலைவர் அவர்களை, தங்கள் உரிமைகளுக்காகப் போராடி வரும் சென்னை மாநகராட்சியின் தூய்மைப் பணியாளர்கள், உழைப்போர் உரிமைகள் இயக்கத்தின் மாநிலத் தலைவர் திரு.கு.பாரதி அவர்கள் தலைமையில், கழகத் தலைமை நிலையச் செயலக அலுவலகத்தில் நேரில் வந்து சந்தித்தனர்.

தூய்மைப் பணியாளர்களின் போராட்டத்திற்கு ஆதரவாகத் தமிழக வெற்றிக் கழகம் துணை நிற்கும் என்று வெற்றித் தலைவர் அவர்கள் உறுதிபடத் தெரிவித்தார்” என்று குறிப்பிட்டு ஆகஸ்ட் 11, 2025 அன்று வீடியோ ஒன்று பகிர்ந்திருப்பதை காண முடிந்தது.

அவ்வீடியோவில் காணப்பட்ட காட்சிகளில் வைரலாகும் படங்களின் காட்சியும் இடம்பெற்றிருந்தது.

கிடைத்த ஆதாரங்களின்படி தெளிவாகுவது யாதெனில்,

1. வைரலாகும் படத்திலிருப்பவர்கள் கரூர் நெரிசலில் உயிரிழந்தவர்களின் குடும்பத்தார் அல்ல; அவர்கள் சென்னை மாநகராட்சியின் தூய்மை பணியாளர்கள் ஆவர்.
2. வைரலாகும் படங்கள் நேற்று மாமல்லபுரத்தில் எடுக்கப்பட்டவை அல்ல; கடந்த ஆகஸ்ட் மாதத்தில் எடுக்கப்பட்டவையாகும்.

Also Read: கரூர் வழக்கில் A4 குற்றவாளியாக ராஜ்மோகன் சேர்ப்பு என்று பரவும் நியூஸ்கார்ட் உண்மையா?

Conclusion

கரூர் நெரிசலில் உயிரிழந்தவர்களின் குடும்பத்தாரை தவெக தலைவர் விஜய் சந்தித்தாக பரவும் படங்கள் பழைய படங்களாகும்.

அப்படங்கள் தூய்மை பணியாளர் போராட்டத்திற்கு ஆதரவு தெரிவித்து அவர்களை தவெக தலைவர் விஜய் சந்தித்த நிகழ்வின்போது எடுக்கப்பட்டவையாகும்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Instagram post by TVK IT Wing Official, dated August 11, 2025
Instagram post by TVK IT Wing Official, dated August 11, 2025