விஜய் ஆறுதல் சந்திப்பு: கரூர் நெரிசலில் உயிரிழந்தவர்களின் உறவினர்கள் குத்தாட்டம் போட்டனரா?

கரூர் நெரிசலில் உயிரிழந்தவர்களின் குடும்பத்தாரை தவெக தலைவர் விஜய் நேற்று (27/10/2025) மாமல்லபுரத்தில் உள்ள நட்சத்திர ஓட்டலில் சந்தித்து ஆறுதல் தெரிவித்தார்.

விஜய் ஆறுதல் சந்திப்புக்கு வரும்போது கரூர் நெரிசலில் உயிரிழந்தவர்களின் உறவினர்கள் குத்தாட்டம் போட்டதாக கூறி வீடியோ ஒன்று சமூக ஊடகங்களில் பரவி வருகின்றது.

Post Link

Post Link

Post Link

ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கரூர் நெரிசலில் உயிரிழந்தவர்களின் குடும்பத்தாரை விஜய் சந்தித்ததாக பரவும் பழைய படங்கள்!

Fact Check/Verification

விஜய் ஆறுதல் சந்திப்புக்கு வரும்போது கரூர் நெரிசலில் உயிரிழந்தவர்களின் உறவினர்கள் குத்தாட்டம் போட்டதாக பரப்பப்படும் வீடியோவில் ‘VKT’என்று எழுதப்பட்ட பேருந்துக்கு அருகில் சிலர் நடனம் ஆடுவதை காண முடிந்தது.

இதை அடிப்படையாக வைத்து தேடியதில் ‘VKT டிரான்ஸ்போர்ட்ஸ்’ எனும் இன்ஸ்டாகிராம் பக்கத்தில் வைரலாகும் இதே வீடியோ கடந்த வெள்ளிக்கிழமை (அக்டோபர் 24) அன்று பதிவிடப்பட்டிருப்பதை காண முடிந்தது. அப்பதிவில் மாணவர்கள் சுற்றுலா என்று குறிப்பிடப்பட்டிருந்தது.

இதனை தொடர்ந்து ‘VKT Transports’ நிறுவனத்தை தொடர்புக்கொண்டு தமிழழகன் என்பவருடன் பேசினோம்.

அவர் வைரலாகும் வீடியோவுக்கும் விஜய் ஆறுதல் சந்திப்புக்கும் தொடர்பில்லை. வைரலாகும் பதிவிலிருக்கு வீடியோ கல்லூரி மாணவர்கள் சுற்றுலா சென்றபோது எடுக்கப்பட்டது என்று தெரிவித்தார்.

இதனையடுத்து தேடுகையில் கரூரிலிருந்து பாதிக்கப்படவர்களின் குடும்பத்தார் மாமல்லபுரம் வந்ததாக தந்தி டிவி யூடியூப் பக்கத்தில் வீடியோ ஒன்று பதிவிட்டிருப்பதை காண முடிந்தது.

அவ்வீடியோவில் அவர்கள் வந்த பேருந்தும் இடம்பெற்றிருந்தது. அப்பேருந்தில் ‘YBM டிராவல்ஸ்’ என்று குறிப்பிட்டிருப்பதை காண முடிந்தது.  அதேபோல் பேருந்தில் ‘BLM’ என்று குறிப்பிட்டிருப்பதை காண முடிந்தது.

இதன்படி பார்க்கையில் வைரலாகும் வீடியோவிலிருக்கும் பேருந்தும் விஜய் ஆறுதல் சந்திப்புக்கு வந்த பேருந்தும் வெவ்வேறானது என தெளிவாகின்றது.

Also Read: கரூர் வழக்கில் A4 குற்றவாளியாக ராஜ்மோகன் சேர்ப்பு என்று பரவும் நியூஸ்கார்ட் உண்மையா?

Conclusion

விஜய் ஆறுதல் சந்திப்புக்கு வரும்போது கரூர் நெரிசலில் உயிரிழந்தவர்களின் உறவினர்கள் குத்தாட்டம் போட்டதாக பரவும் வீடியோ தகவல் தவறானதாகும்.

கல்லூரி மாணவர்கள் சுற்றுலா சென்றபோது எடுக்கப்பட்ட வீடியோவே இவ்வாறு திரித்து பரப்பப்படுகின்றது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube video by Thanthi TV, dated October 26, 2025
Instagram post by VKT Travels, dated October 24, 2025
Phone conversation with Tamilalagan, VKT Travels