பாகிஸ்தான் கிரானா மலை மீது இந்தியா நடத்திய தாக்குதல் என்று பரவும் வீடியோ உண்மையா?

பாகிஸ்தான் கிரானா மலை மீது இந்தியா நடத்திய தாக்குதல் என்று வீடியோ ஒன்று சமூக வலைத்தளங்களில் பரவி வருகிறது.

“கிரானா மலை :* அணுகுண்டை பதுக்கி வைத்து பாதுகாக்கும் பாகிஸ்தானில் இருக்கும் இடம். அதன் வாசலில் துல்லியமாக தாக்கி உலகிற்கே எச்சரிக்கை தந்த இந்தியா.
இதைத்தான் நிலநடுக்கம் ஏற்பட்டது என்று கூறினார்கள்” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: பெண் ராணுவ வீரர் கிரண் ஷெகாவத் பாகிஸ்தானுக்கு எதிரான போரில் இறந்ததாக பரவும் வீடியோ உண்மையானதா?

Fact Check/Verification

பாகிஸ்தான் கிரானா மலை மீது இந்தியா நடத்திய தாக்குதல் என்று பரவும் வீடியோ  குறித்த உண்மையறிய அதுபற்றிய ஆய்வில் ஈடுபட்டோம்.

முதலாவதாக, இந்தியா கிரானா மலை மீது தாக்குதல் நடத்தியதா என்று ஆராய்ந்தபோது மே 12, 2025 அன்று இந்தியா அப்படி எந்த தாக்குதலையும் நடத்தவில்லை என்று இந்திய ஏர் மார்ஷல் ஏகே.பாரதி பத்திரிக்கையாளர்கள் சந்திப்பில் தெரிவித்திருந்தார்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த மே 11, 2015 அன்று News of the Yemeni Revolution என்கிற சமூக வலைத்தளப்பக்கத்தில் “ More of Nuqoum Mountain explosions.” என்று இந்த வீடியோ இடம்பெற்றிருந்தது.

எனவே, குறிப்பிட்ட பதிவில் இடம்பெற்ற கீ-வேர்டுகளான ஏமன், Nuqoum mountain உள்ளிட்டவற்றை பயன்படுத்தி தேடியபோது கடந்த 2015ஆம் ஆண்டு சவுதி தலைமையிலான கூட்டணிப்படை ஏமன் தலைநகர் சனா மீது நடத்திய வான்வெளித்தாக்குதலுடன் தொடர்புடையது இந்த வீடியோ என்பது தெரியவந்தது.

ஹூத்தி பயங்கரவாதிகளுடன் தொடர்புடைய இராணுவப் பகுதிகளிலும், ஆயுதக்கிடங்கிலும் இந்த தாக்குதல் நடத்தப்பட்டதாகவும் செய்திகளில் விரிவாக விளக்கமளிக்கப்பட்டுள்ளது. அதுகுறித்த செய்திகளை இங்கே, இங்கே மற்றும் இங்கே காணுங்கள். குறிப்பிட்ட ஏமன் தாக்குதலே இந்தியா, பாகிஸ்தானின் கிரானா மலை மீது நடத்திய தாக்குதல் என்று பரவுகிறது.

Also Read: இந்திய ராணுவத் தாக்குதலால் பாகிஸ்தானில் அணுக்கசிவு என்று பரவும் கடிதம் உண்மையா?

Conclusion

பாகிஸ்தான் கிரானா மலை மீது இந்தியா நடத்திய தாக்குதல் என்று பரவும் வீடியோ கடந்த 2015ஆம் ஆண்டு நடைபெற்ற ஏமன் தாக்குதலுடன் தொடர்புடையது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Report from Economic Times, dated May 13, 2025
Facebook Post From, News of the Yemeni Revolution, Dated May 11, 2015
Report from france24, Dated May 12, 2015