கிருஷ்ண ஜெயந்தியை முன்னிட்டு வாரணாசியில் உணவருந்திய குரங்குகள் என்று பரவும் வீடியோ உண்மையா?

கிருஷ்ண ஜெயந்தியை முன்னிட்டு வாரணாசியில் வாழை இலையில் உணவருந்திய குரங்குகள் என்று வீடியோ ஒன்று சமூக வலைத்தளங்களில் பரவி வருகிறது.

” வாரணாசி கிருஷ்ண ஜென்மஸ்டமி” என்று இந்த வீடியோ பரவுகிறது.

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: பொதுக்கூட்டத்தில் சீமான் பின்னணி ஒலிக்கு வாயசைத்ததாக பரவும் எடிட் வீடியோ!

Fact Check/Verification

கிருஷ்ண ஜெயந்தியை முன்னிட்டு வாரணாசியில் வாழை இலையில் உணவருந்திய குரங்குகள் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ஆராய்ந்தபோது குரங்குகளுக்கு உணவளிக்கப்பட்டதாக எந்த செய்தியும் வெளியாகியிருக்கவில்லை. மேலும், வீடியோவை உற்று நோக்கி ஆராய்ந்தபோது ஒரே கையில் கொடி மற்றும் துப்பாக்கி ஏந்தி நிற்கும் அதிகாரி, மனிதர்களின் ஒழுங்கற்ற அசைவுகள், குரங்குகளின் செயற்கைதன்மை என்று வீடியோ காட்சிகளில் வேறுபாடு தெரிந்தது.

மேலும், இந்த வீடியோ கடந்த ஆகஸ்ட் 07, 2025 முதலே சமூக வலைத்தளங்களில் இடம்பெற்றிருப்பதையும் காண முடிந்தது. எனவே, கிருஷ்ண ஜெயந்திக்கு முன்பிருந்தே இந்த வீடியோ இணையத்தில் இடம்பெற்றுள்ளது என்பது உறுதியாகியது.

எனவே, வைரலாகும் வீடியோவை Hive Moderation Tool மூலமாக ஆராய்ந்தபோது வீடியோ காட்சிகள் 99.4% AI தொழில்நுட்பத்தால் உருவாக்கப்பட்டது என்பது நமக்கு உறுதியாகியது.

இதன்மூலம், வாரணாசியில் கிருஷ்ண ஜென்மாஷ்டமியை முன்னிட்டு உணவு சாப்பிட்ட குரங்குகள் என்று பரவும் வீடியோ AI மூலமாக உருவாக்கப்பட்டது என்பது உறுதியாகிறது.

Also Read: தூய்மைப் பணியாளர்கள் போராட்டத்தில் இருந்து தெறித்து ஓடிய தவெகவினர் என்ற வீடியோ உண்மையா?

Conclusion

கிருஷ்ண ஜெயந்தியை முன்னிட்டு வாரணாசியில் வாழை இலையில் உணவருந்திய குரங்குகள் என்று பரவும் வீடியோ AI மூலமாக உருவாக்கப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube Video from, Rising Rastra Tv, Dated August 07, 2025
Hive Moderation Tool
Self Analysis