திருப்பத்தூர் பேருந்து நிலையம் எதிரில் நிகழ்ந்த விபத்து என்று பரவும் வீடியோ தகவல் உண்மையா?

திருப்பத்தூர் பேருந்து நிலையம் எதிரில் நிகழ்ந்த விபத்து என்பதாக வீடியோ ஒன்று சமூக வலைத்தளங்களில் வைரலாகிறது.

“தெரு நாய் தொல்லைக்கே இன்னும் தீர்வை காணோம். போதாக்குறைக்கு, இப்போது பசுமாட்டுத் தொல்லை வேறு…பாவம் வெகுஜன மக்கள்!திருப்பத்தூர் பேருந்து நிலையம் எதிரில், நிகழ்ந்த விபத்துக் காணொலி இது.” என்று இந்த வீடியோ பரவுகிறது.

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: மதுரை முருகன் மாநாட்டில் கலந்து கொண்ட கூட்டம் என்று பரவும் வீடியோ உண்மையா?

Fact Check/Verification

திருப்பத்தூர் பேருந்து நிலையம் எதிரில் நிகழ்ந்த விபத்து என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த ஜூன் 24, 2025 அன்று Loksatta
வெளியிட்டிருந்த செய்தியில் இந்த வீடியோ இடம்பெற்றிருந்தது. அதில், ” 85 Year old Man Dies in Cow Attack At Nashik” என்கிற தலைப்பில் இந்த வீடியோ வெளியாகியிருந்தது.

தொடர்ந்து, இது குறித்து ஆராய்ந்தபோது இந்த வீடியோ தொடர்புடைய புகைப்படத்துடன் டைம்ஸ் ஆஃப் இந்தியா வெளியிட்டிருந்த செய்தியில் மகராஷ்டிரா கல்வானில் பால்சந்திரா என்கிற 85 வயது முதியவர் பைக்கில் இருந்து இறங்கியபோது அவரை மாடு முட்டியதில் உயிரிழந்தார் என்று செய்தி வெளியாகியிருந்தது.

குறிப்பிட்ட செய்தி வீடியோவே தற்போது தமிழ்நாடு திருப்பத்தூரில் நடைபெற்ற சம்பவம் என்று பரப்பப்படுகிறது என்பது நமக்கு உறுதியாகியது.

Also Read: இஸ்ரேல் அதிபர் மகனை இஸ்ரேல் மக்கள் அடித்ததாக பரவும் வீடியோத்தகவல் உண்மையா?

Conclusion

திருப்பத்தூர் பேருந்து நிலையம் எதிரில் நிகழ்ந்த விபத்து என்று பரவும் வீடியோ மகாராஷ்டிராவில் நடைபெற்ற சம்பவம் என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube Video From, Loksatta, Dated June 24, 2025
Report From, Times Of India, Dated June 25, 2025