பிரியாணியில் சாக்கடை நீரை கலந்த இஸ்லாமியர்; வைரலாகும் வீடியோ உண்மையானதா?

இஸ்லாமியர் ஒருவர் பிரியாணியில் சாக்கடை நீரை கலந்ததாக வீடியோ ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கரூர் நெரிசலில் உயிரிழந்தவர்களின் குடும்பத்தாரை விஜய் சந்தித்ததாக பரவும் பழைய படங்கள்!

Fact Check/Verification

இஸ்லாமியர் ஒருவர் பிரியாணியில் சாக்கடை நீரை கலந்ததாக பரப்பப்படும் வீடியோவில் ‘Open Ai’ நிறுவனத்தின்செயற்கை நுண்ணறிவு வீடியோக்களை உருவாக்கும் கருவியான ‘சோரா (Sora)’வின் லோகோ இடம்பெற்றிருப்பதை காண முடிந்தது.

கூடவே வீடியோவின் கீழே இடது ஓரத்தில் ‘AI generated’ (செயற்கை நுண்ணறிவு மூலம் உருவாக்கப்பட்டது) என்கிற வாசகம் இடம்பெற்றிருப்பதை காண முடிந்தது.

இதனையடுத்து வைரலாகும் வீடியோவில் ‘dark.wab48’ என்கிற டிக் டாக் பக்கத்தின் வாட்டர்மார்க் இடம்பெற்றிருந்ததால் VPN பயன்படுத்தி அப்பக்கத்தில் வைரலாகும் வீடியோ குறித்து தேடினோம்.

அத்தேடலில் வைரலாகும் வீடியோ செயற்கை நுண்ணறிவை பயன்படுத்தி உருவாக்கப்பட்டது என்று ‘dark.wab48’ டிக்டாக் பக்கத்தில் குறிப்பிட்டிருப்பதை காண முடிந்தது.

இதனையடுத்து செயற்கை நுண்ணறிவு வீடியோக்களை கண்டறிய உதவும் Hive Moderation இணைய பக்கத்தில் வைரலாகும் வீடியோவை சோதித்தோம்.

அச்சோதனையில் வைரலாகும் வீடியோ செயற்கை நுண்ணறிவை பயன்படுத்தி உருவாக்கப்பட்டது என பதில் வந்தது.

கிடைத்த ஆதாரங்களின்படி பார்க்கையில் வைரலாகும் வீடியோ உண்மையான வீடியோ அல்ல; செயற்கை நுண்ணறிவை பயன்படுத்தி உருவாக்கப்பட்ட போலியான வீடியோ என உறுதியாகின்றது.

Also Read: கரூர் நபர்களுக்கு பதிலாக இளம் ஜோடி காலில் தவறுதலாக விழுந்த விஜய் என்று பரவும் நியூஸ்கார்ட் உண்மையா?

Conclusion

இஸ்லாமியர் ஒருவர் பிரியாணியில் சாக்கடை நீரை கலந்ததாக பரப்பப்படும் வீடியோ செயற்கை நுண்ணறிவை பயன்படுத்தி உருவாக்கப்பட்ட போலியான வீடியோவாகும்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
TikTok post by dark.wab48
Hive Moderation
Self Analysis