அரசு பள்ளியில் சீருடையுடன் காதல் பாடலுக்கு  மாணவர்கள் நடனம்  என்று பரவும் வீடியோ உண்மையா?

அரசு பள்ளியில் சீருடையுடன் காதல் பாடலுக்கு மாணவர்கள் நடனம் என்பதாக வீடியோ ஒன்று சமூக வலைத்தளங்களில் பரவி வருகிறது.

”அரசுப் பள்ளியில் நடந்த “ஆடலும் பாடலும்” நிகழ்ச்சி.. பெற்றோர்களே உஷார். திமுக ஆட்சியில் பிள்ளைகளைப் பெத்தவங்க எல்லாம் சந்தோசமா இருக்காங்க. திமுக அப்பாவ வாழ்த்துறாங்க. ஒரு சினிமா ரசிகர் மன்றத் தலைவன் கல்வி அமைச்சராக இருந்தால் அந்தப் பள்ளிக்கூடத்தில் இதைத்தான் எதிர்பார்க்க முடியும். அரசுப் பள்ளிக்கூடத்தில் படிக்கும் மாணவச் செல்வங்கள் எப்படியாவது நாசமா கெட்டு ஒழிந்து போகவேண்டும் என்று சிந்திக்கிறான் திமுக காரன். மக்களே! உங்கள் பிள்ளைகள் நல்வாழ்வு உங்கள் கையில்தான் உள்ளது. கவனமாக இருங்கள்*” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: குடிப்பழக்கத்தை ஆதரித்து சன் டிவி விளம்பரம் என்று பரவும் வீடியோ தகவல் உண்மையா?

Fact Check/Verification

அரசு பள்ளியில் சீருடையுடன் காதல் பாடலுக்கு மாணவர்கள் நடனம் என்று பரவும் வீடியோ செய்தி குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது ஈரோடு புகழ் Dr.தர்மாவின் டைட்டானிக் குழுவினரின் நடன நிகழ்ச்சி என்கிற யூடியூப் வீடியோ நமக்குக் கிடைத்தது.

அதில், தற்போது வைரலாகும் அதே நடனத்தின் வேறொரு காட்சி வீடியோவாக இடம்பெற்றிருந்தது. அதில் பின்னணியில் “டைட்டானிக் குழுவினரின் நடனக் நிகழ்ச்சி” என்கிற பேனர் வாசகமும் இடம்பெற்றுள்ளது.

ஆனால், வைரலாகும் வீடியோவில் அந்த வார்த்தைகள் தெரியாத வகையில் அக்குழுவினரில் நடனக்காட்சி வீடியோ எடுக்கப்பட்டுள்ளது.

இதுகுறித்து, டைட்டானிக் நடனக் கலைக்குழுவில் குறிப்பிட்ட நடனம் ஆடிய தொழில்முறை நடனக்குழுவினரைத் தொடர்பு கொண்டு பேசியபோது, புதுக்கோட்டை அருகே நடைபெற்ற நிகழ்வில் அவர்கள் ஆடிய நடனக்காட்சியே தற்போது வைரலாகிறது என்பது உறுதியாகியது. ஆடல், பாடல் கலைக்குழுவினரால் நடத்தப்பட்ட நடன நிகழ்ச்சி ஒன்றின் காட்சி அரசுப்பள்ளியில் நடைபெற்றதாக தவறாகப் பரப்பப்படுகிறது.

Also Read: ஆதவ் அர்ஜூனா தவெகவிலிருந்து இடைநீக்கம் செய்யப்பட்டுள்ளாரா?

Conclusion

அரசு பள்ளியில் சீருடையுடன் காதல் பாடலுக்கு மாணவர்கள் நடனம் என்று பரவும் வீடியோ செய்தி தவறானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube Video From, Pudugai Pugal Prem, Dated March 05, 2025
JJ Boys Dance Group