வைகோ கைகளில் பன்றிக்கொடியை பிடித்திருப்பதாகப் பரவும் புகைப்படம் உண்மையானதா?

வைகோ கைகளில் பன்றிக்கொடியை பிடித்திருப்பதாகப் புகைப்படம் ஒன்று சமூக வலைத்தளங்களில் பரவி வருகிறது.

“இவர்கள் ஏன் பன்றிக் கொடியை கையில் வைத்திருக்கிறார்கள்” என்று இந்த புகைப்படம் பரவுகிறது.

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

 Also Read: மதுரை முருகன் மாநாட்டில் கலந்து கொண்ட கூட்டம் என்று பரவும் வீடியோ உண்மையா?

Fact Check/Verification

வைகோ கைகளில் பன்றிக்கொடியை பிடித்திருப்பதாகப் பரவும் புகைப்படம் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் புகைப்படத்தை ரிவர்ஸ் சர்ச் முறைக்கு உள்ளாக்கியபோது கடந்த 2018ஆம் ஆண்டு நக்கீரனில் வெளியாகியிருந்த “தனிக்கொடி! கிளர்ச்சித் தீ! -நியூட்ரினோவுக்கு எதிராக வைகோ!” என்கிற கட்டுரையில் இந்த புகைப்படம் இடம்பெற்றிருந்தது. அதில், வைகோ கைகளில் இடம்பெற்றிருக்கும் கொடி மூவேந்தர்களின் சின்னங்கள் இடம்பெற்றுள்ள கொடியே தவிர அதில் பன்றி உருவம் இடம்பெற்றிருக்கவில்லை என்பதை அறிந்தோம்.

கடந்த 2018ஆம் ஆண்டில் தேனியில் அமையவிருந்த நியூட்ரினோ திட்டத்திற்கு எதிர்ப்பு தெரிவித்து வைகோ நடைப்பயணம் மேற்கொண்ட நிலையில் அதனை வைகோவுடன் இணைந்து மு.க.ஸ்டாலின் துவங்கி வைத்தார்.

அப்போது, மூவேந்தர்களின் சின்னமான மீன், வில், புலி அடங்கிய கொடியை அசைத்து இந்த நடைப்பயணத்தை துவங்கி வைத்தனர். குறிப்பிட்ட கொடியிலேயே பன்றி உருவத்தை எடிட் செய்து பரப்பி வருகின்றனர் என்பது நமக்கு உறுதியாகியது.

Also Read: இஸ்ரேல் அதிபர் மகனை இஸ்ரேல் மக்கள் அடித்ததாக பரவும் வீடியோத்தகவல் உண்மையா?

Conclusion

வைகோ கைகளில் பன்றிக்கொடியை பிடித்திருப்பதாகப் பரவும் புகைப்படம் எடிட் செய்யப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
Report From, Nakkheeran, Dated April 02, 2018
Report From, Behind woods