விஜய் உருவ பொம்மையை மின்கம்பத்தில் கட்டி செருப்பு மாலை அணிவித்ததாக பரவும் எடிட் படம்!

விஜய் உருவ பொம்மையை மின்கம்பத்தில் கட்டி செருப்பு மாலை அணிவித்ததாக பரவும் படம்.

சமூக ஊடகங்களில் வந்த பதிவை இங்கே, இங்கே, மற்றும் இங்கே காணலாம்.

Also Read: கரூர் நெரிசலில் உயிரிழந்தவர்களின் குடும்பத்தாரை விஜய் சந்தித்ததாக பரவும் பழைய படங்கள்!

தவெக தலைவர் விஜய் உருவ பொம்மையை மின்கம்பத்தில் கட்டி செருப்பு மாலை அணிவித்ததாக புகைப்படம் ஒன்று பரவியதை தொடர்ந்து, அப்படம் குறித்த உண்மையை அறிய, அப்படத்தை ரிவர்ஸ் சர்ச் முறைக்கு உட்படுத்தி தேடினோம்.

அத்தேடலில் “சீமான் உருவ பொம்மையை மின்கம்பத்தில் கட்டி செருப்பு மாலை அணிவித்ததால் பரபரப்பு” என்று தலைப்பிட்டு டாப் தமிழ் நியூஸ் இணைய ஊடகம் செய்தி வெளியிட்டிருப்பதை காண முடிந்தது.

தந்தை பெரியார் குறித்து இழிவாக பேசியதால் நாதக தலைமை ஒருங்கிணைப்பாளர் சீமானின் உருவ பொம்மைக்கு செருப்பு மாலையிட்டு பொள்ளாச்சி திமுகவினர் எதிர்ப்பை தெரிவித்ததாக அச்செய்தியில் தெரிவிக்கப்பட்டிருந்தது.

இச்செய்தியில் சீமான் உருவ பொம்மைக்கு செருப்பு மாலை அணிவித்திருந்த படம் இடம்பெற்றிருந்தது.

இதனையடுத்து தேடுகையில் பொள்ளாச்சி நகர திமுகவின் தகவல் தொழில்நுட்ப அணி ஒருங்கிணைப்பாளர் மாசி என்பவரின் எக்ஸ் பக்கத்தில் பொள்ளாச்சி பேருந்து நிலையம் முன்பு சீமானின் உருவபொம்மையை கம்பத்தில் கட்டி வைத்து செருப்பு மாலை அணிவித்து கண்டனம் தெரிவித்ததாக புகைப்படங்கள் மற்றும் வீடியோவுடன் பதிவிட்டிருப்பதை காண முடிந்தது.

கிடைத்த ஆதாரங்களின்படி பார்க்கையில் விஜய் உருவ பொம்மையை மின்கம்பத்தில் கட்டி செருப்பு மாலை அணிவித்ததாக பரவும்  படம் எடிட் செய்யப்பட்டது என உறுதியாகின்றது.

உண்மையில் சீமான் உருவ பொம்மைக்கு செருப்பு மாலையிட்ட படமே இவ்வாறு மாற்றப்பட்டுள்ளது.

Sources
Report by Top Tamil News, dated January 10, 2025
X post by Pollachi Masi, Pollachi DMK IT Wing, dated January 10, 2025