பஹல்காம் தாக்குதலில் கொல்லப்பட்ட கப்பற்படை அதிகாரியின் கடைசி வீடியோவா இது?

பஹல்காம் தீவிரவாத தாக்குதலில் கொல்லப்பட்ட 26 பேர்களில் இந்திய கப்பற்படை வீரர் லெப்டினன்ட் வினய் நர்வாலும் ஒருவராவார். இவருக்கும் அண்மையில் திருமணம் நடந்துள்ளது. வினய் நர்வாலும், அவரது மனைவி ஹிமான்ஷியும் பஹல்காம் பகுதிக்கு தேனிலவுக்கு சென்றபோது இக்கொடூரம் நடந்துள்ளது.

இந்நிலையில் வினய் நர்வாலும் அவரது மனைவியும் காஷ்மீரில் எடுத்த கடைசி வீடியோ என்று கூறி வீடியோ சமூக ஊடகங்கள் மற்றும் செய்தி ஊடகங்களில் பரவி வருகின்றது.

சமூக ஊடகங்களில் பரவும் வீடியோக்களை இங்கே, இங்கே, மற்றும் இங்கே காணலாம். ஊடகங்களில் வெளிவந்த செய்திகளை இங்கே, இங்கே மற்றும் இங்கே காணலாம்.

ஊடகங்கள் மற்றும் சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: பஹல்காம் தாக்குதலுக்கு பிறகு பாகிஸ்தான் மீது இந்திய ராணுவம் போர் தொடுத்ததாக பரவும் வீடியோ உண்மையானதா?

Fact Check/Verification

பஹல்காம் தாக்குதலில் கொல்லப்பட்ட கப்பற்படை அதிகாரி வினய் நர்வாலின் கடைசி வீடியோ என்று வீடியோ ஒன்று வைரலானதை தொடர்ந்து இதுக்குறித்து தேடினோம்.

இத்தேடலில் வைரலாகும் இச்செய்தியுடைய வீடியோ ஒன்றின் கீழ் எக்ஸ் பயனர் ஒருவர் வீடியோவில் காணப்படுபவர்கள் வினய் நர்வால் மற்றும் ஹிமான்ஷி நர்வால் தம்பதியினர் இல்லை என்றும், அதிலிருப்பவர் யாஷிகா ஷர்மா என்றும் தெரிவித்திருந்ததை காண முடிந்தது.

இதை அடிப்படையாக வைத்து தேடுகையில்  யாஷிகா ஷர்மா என்பவர் அவரது இன்ஸ்டாகிராம் பக்கத்தில்  அவரது கணவர் ஆசிஷ் ஷெராவத்துடன் இணைந்து வீடியோ ஒன்றை ஏப்ரல் 24, 2025 அன்று வெளியிட்டிருப்பதை காண முடிந்தது.

 அப்பதிவில் அவர் தெரிவித்திருப்பதாவது,

“நாங்கள் சமீபத்தில் வெளியிட்டிருந்த வீடியோ எதிர்பாராதவிதமாக வெறுப்புணர்வுகளை தூண்டியதால் அவ்வீடியோவை நாங்கள் நீக்கி விட்டோம். ஆனால் அவ்வீடியோவை சமூக ஊடக பக்கங்கள் மற்றும் செய்தி ஊடகங்கள் தவறாக பயன்படுத்தி, அவ்வீடியோவில் இருப்பவர்கள் மறைந்த வினய் மற்றும் அவரது மனைவி என்று தவறாக பரப்பி வருகின்றனர். அவரகளது குடும்பத்தாருக்கு எங்களின் வருத்தத்தை தெரிவித்து கொள்கின்றோம்.

இதுபோன்று தவறாக பரப்பப்படும் பதிவுகளுடைய பக்கங்கள் குறித்து நீங்கள் புகாரளிக்குமாறு கேட்டுக்கொள்கின்றோம். இச்செயல் பெரும் மனவருத்தத்தை ஏற்படுத்துகின்றது. பிரசித்துபெற்ற செய்தி நிறுவனங்கள் மற்றும் பக்கங்களும் உண்மையறியாத இத்தகவலை வெளியிட்டது அதிர்ச்சியாக இருப்பதுடன், ஊடகங்களில் வரும் செய்திகளை நம்புவதா என்கிற குழப்பத்தை ஏற்படுத்துவதாகவும் உள்ளது.”

இதனையடுத்து வீடியோவில் காணப்படும் ஆஷிஷ் ஷெராவத்தை நியூஸ்செக்கர் சார்பில் தொடர்புகொண்டு பேசினோம் . அவர் வைரலாகும் வீடியோவை ஏப்ரல் 14, 2025 அன்று பெஹல்காமில் படம்பிடித்தாகவும், அதை தொடர்ந்து பெஹல்காம் தாக்குதல் நடந்த தினத்தில் அதை பதிவிட்டதாகவும் தெரிவித்தார். ஆனால் அவ்வீடியோ தவறாக பயன்படுத்தப்படுவதை தொடர்ந்து அவ்வீடியோவை நீக்கியதாகவும் அவர் தெரிவித்தார்.

மேலும் அவ்வீடியோவின் மெடா-டேட்டாவையும் அவர் நம்முடன் பகிர்ந்தார். அது அவ்வீடியோ ஏப்ரல் 14, 2025 அன்று எடுக்கப்பட்டது என உறுதி செய்தது.

Also Read: காஷ்மீர் பஹல்கம் தாக்குதலில் கண் முன்னே தந்தையை இழந்த குழந்தை என்று பரவும் வீடியோ உண்மையா?

Conclusion

பஹல்காம் தாக்குதலில் கொல்லப்பட்ட கப்பற்படை அதிகாரி வினய் நர்வாலின் கடைசி வீடியோ என்று சமூக ஊடகங்கள் மற்றும் செய்தி ஊடகங்களில் பரப்பப்படும் வீடியோ தவறானதாகும்.

உண்மையில் அவ்வீடியோவில் காணப்படுவது ஆஷிஷ் ஷெராவத் மற்றும் யாஷிகா ஷர்மா தம்பதியினராவர்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Instagram Post By @yashika.sharma.sehrawat, Dated April 24, 2025
Telephonic Conversation With Ashish Sehrawat On April 24, 2025

(The article was first published in Newschecker Hindi.)