பாகிஸ்தானின் அணுக்கட்டளை மையம் இந்திய ஏவுகணையால் தாக்கப்பட்டதாக பரவும் வீடியோ உண்மையானதா?

“இந்தியாவின் பிரம்மோஸ் ஏவுகணை பாகிஸ்தானின் NCA தலைமையகத்திற்கு அடுத்துள்ள அணுசக்தி கட்டளை மையத்திற்கு அருகில் விழுந்தது. இந்தத் தாக்குதலால் இஸ்லாமாபாத் மிகவும் அதிர்ச்சியடைந்து, தலையிடக் கோரி அமெரிக்காவிற்கு ஓடினர். பாகிஸ்தானில் மருத்துவ அவசரநிலை, அணு கதிர்வீச்சு பரவி வருகிறது” என்று குறிப்பிட்டு வீடியோ ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: பெண் ராணுவ வீரர் கிரண் ஷெகாவத் பாகிஸ்தானுக்கு எதிரான போரில் இறந்ததாக பரவும் வீடியோ உண்மையானதா?

Fact Check/Verification

பாகிஸ்தானின் அணுக்கட்டளை மையம் இந்திய ஏவுகணையால் தாக்கப்பட்டதாக  வைரலாகும் வீடியோவில் அல் மஸீரா ஊடத்தின் லோகோ இடம்பெற்றிருப்பதால் அந்த ஊடகத்தின் எக்ஸ் பக்கத்தில் இவ்வீடியோ குறித்து தேடினோம்.

இத்தேடலில் ஏமன் தலைநகரான சனாவில் இஸ்ரேலிய தாக்குதலால் விமான நிலையம் தாக்கப்பட்டதாக கூறி மே 6, 2025 அன்று வீடியோ ஒன்று பதிவிடப்பட்டிருப்பதை காண முடிந்தது.

அதேபோல் மின் நிலையம் தாக்கப்பட்டதாக கூறி மற்றொரு பதிவும் பதிவிடப்பட்டிருந்தது.

இப்பதிவுகளில் பயன்படுத்தப்பட்ட காட்சிகளை ஒன்றாக இணைத்தே வைரலாகும் வீடியோ உருவாக்கப்பட்டுள்ளது.

‘The Straits Times’ எனும் ஊடகமும் இத்தாக்குதல் குறித்து செய்தி வெளியிட்டிருந்தது. அந்த ஊடகம் வெளியிட்டிருந்த வீடியோவில் வைரலாகும் வீடியோவின் காட்சிகள் இடம்பெற்றிருப்பதை காண முடிந்தது. அல் மஸீரா ஊடகத்தின் வீடியோக்களை பயன்படுத்தப்பட்டதாகவே இச்செய்தியில் தெரிவிக்கப்பட்டிருந்தது.

இதனையடுத்து தேடுகையில் இஸ்ரேல் ஏமன் தலைநகர் மீது நடத்திய இந்த தாக்குதல் குறித்து செய்தி வெளியிட்டிருப்பதை காண முடிந்தது. அச்செய்திகளை இங்கே, இங்கே, மற்றும் இங்கே காணலாம்.

Also Read: இந்திய ராணுவத் தாக்குதலால் பாகிஸ்தானில் அணுக்கசிவு என்று பரவும் கடிதம் உண்மையா?

Conclusion

பாகிஸ்தானின் அணுக்கட்டளை மையம் இந்திய ஏவுகணையால் தாக்கப்பட்டதாக பரவும் வீடியோ தவறானதாகும். இஸ்ரேல் ஏமன் தலைநகரான சனாவை தாக்கிய வீடியோவே இவ்வாறு மாற்றி பரப்பப்படுகின்றது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Report from Al Masirah, Dated May 6, 2025
Report from Al Masirah, Dated May 6, 2025
Report from The Straits Times, Dated May 6, 2025