آپریشن سندور: کیا ایئر چیف مارشل کے ‘لاپتہ’ آئی اے ایف پائلٹ شیوانگی سنگھ کے اہل خانہ کو تسلی دینے کی ہے یہ ویڈیو؟ جانیں مکمل حقیقت

سوشل میڈیا پر ایک ویڈیو شیئر کی جا رہی ہے، جس کے ساتھ دعویٰ کیا جا رہا ہے کہ ایئر اسٹاف کے چیف، ایئر چیف مارشل اے پی سنگھ نےمبینہ طور پر آپریشن سندور سے لاپتہ آئی اے ایف پائلٹ شیوانگی سنگھ کے گھر کا دورہ کیا ہے۔

متعدد پاکستانی ہینڈلز سے 23 سیکنڈ پر مشتمل یہ ویڈی شیئر کی جا رہی ہے، جس کے ساتھ دعویٰ کیا جا رہا ہے کہ ایئر چیف مارشل لاپتہ پائلٹ شیوانگی سنگھ کے گھر پہنچ کر ان کی ماں کو ناکام تسلی دے رہے ہیں اور ان کی ماں کی رو رو کر برا حال ہے۔

مذکورہ دعوے کے ساتھ وائرل پوسٹ یہاں اور یہاں دیکھیں۔

Fact Check/Verification

وائرل ویڈیو کی حقیقت جاننے کے لئے ہم نے سب سے پہلے ویڈیو کے ایک کیفریم کو ریورس امیج سرچ کیا۔ اس دوران ہمیں این ڈی ٹی وی پر 14 اگست 2025 کو شائع ایک رپورٹ ملی۔ اس رپورٹ میں اسی وائرل فوٹیج کا استعمال کیا گیا ہے اور بتایا گیا ہے کہ یہ ویڈیو ایئر چیف مارشل اے پی سنگھ کے راجستھان کے جھنجھنو میں شہید سارجنٹ سریندر کمار کے اہل خانہ سے کی گئی ملاقات کی ہے۔ سارجنٹ سریندر کمار آپریشن سندور کے دوران ڈیوٹی پر ہی شہید ہو گئے تھے۔

اس دورے کی تصاویر کے ساتھ انڈین ایئر فورس کے ایکس اکاؤںٹ پر ایک پوسٹ شیئر کی گئی ہے، جس کے کیپشن میں لکھا ہے کہ “ایئر چیف مارشل اے پی سنگھ نے مسز سریتا سنگھ کے ساتھ آپریشن سندور میں ڈیوٹی کے دوران اپنی جان قربان کرنے والے شہید سارجنٹ سریندر کمار کے راجستھان کے جھنجھنو میں واقع آبائی گاؤں مہراداسی کا دورہ کیا۔ ان کے گھر پر، انہوں نے انکی ماں نانو دیوی، بیوی مسز سیما و بچوں ورتیکا اور دکش سے ملاقات کی”۔

ایک تصویر میں ایئر چیف مارشل کو سریندر کمار کی تصویر کو سلامی دیتے ہوئے دیکھا جا سکتا ہے۔

پی آئی بی کی فیکٹ چیک یونٹ نے بھی ویڈیو کو فرضی قرار دیا ہے اور ساتھ ہی تصدیق کی ہے کہ یہ ویڈیو ایئر چیف مارشل اے پی سنگھ کے مرحوم سارجنٹ سریندر کمار کے اہل خانہ سے ملاقات کی ہے۔ ساتھ ہی مزید وضاحت کی گئی ہے کہ “اسکواڈرن لیڈر شیوانگی اے آئی ایف کی ایک سرونگ رکن ہیں اور آپریشنل طور پر تعینات ہیں۔

آپریشن سندور سے متعلق مختلف فرضی دعوے کا نیوزچیکر اردو کی جانب سے پہلے بھی فیکٹ چیک کیا گیا ہے، جسے آپ یہاں اور یہاں کلک کر کے پڑھ سکتے ہیں۔

Conclusion

لہٰذا نیوز چیکر کی تحقیقات سے واضح ہوا کہ ایئر چیف مارشل اے پی سنگھ کے مبینہ طور پر آپریشن سندور میں لاپتہ ہوئی بھارتی پائلٹ شیوانگی کے اہل خانہ سے کی گئی ملاقات کا بتاکر شیئر کی گئی ویڈیو دراصل اے پی سنگھ کے مرحوم سارجنٹ سریندر کمار کے اہل خانہ سے کی گئی ملاقات کی ہے۔

Sources
Report By NDTV, Dated August 14, 2025
X Post By Indian Air Force, Dated August 13, 2025
X Post By PIB fact Check, Dated August 18, 2025

(اس آرٹیکل کو انگلش سے اردو میں ترجمہ کیا گیا ہے۔ جسے وسودھا بیری نے لکھا ہے۔)