Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
یہ ویڈیو عمران خان کے خلاف فیصلہ سنانے کے بعد پاکستانی جج ہمایوں دلاور اور ان کے وکیل کے بھاگنے کی ہے۔
Fact
ویڈیو پرانی ہے اور اس میں نظر آرہے لوگ پی ٹی آئی لیڈر کریم بخش گبول کو گاڑی میں بٹھا رہے ہیں۔
پاکستان کے سابق وزیر اعظم عمران خان کے خلاف فیصلہ آنے کے بعد پاکستانی جج ہمایوں دلاور سوشل میڈیا پر خوب چرچے میں ہیں۔ ان دنوں ایک ویڈیو فیس بک اور واہٹس ایپ پر شیئر کی جا رہی، جس میں کچھ لوگ کار کی طرف بھاگتے ہوئے نظر آرہے ہیں۔ دعویٰ کیا جا رہا ہے کہ عمران خان کے خلاف فیصلہ سنانے کے بعد جج ہمایوں دلاور اپنے وکیلوں کے ساتھ چھپ کر بھاگ گئے۔
Fact Check/Verification
ہم نے ویڈیو کے ایک فریم کو گوگل ریورس امیج سرچ کیا۔ جہاں ہمیں 2 مارچ 2021 کو شیئر شدہ ہوبہو ویڈیو سی بی نیوز ایچ ڈی نامی فیس بک پیج پر ملی۔ جس کے ساتھ دی گئی معلومات کے مطابق یہ ویڈیو پاکستان کے سندھ اسمبلی کے باہر سے پی ٹی آئی لیڈر کریم بخش گبول کو اغوا کرنے کی ہے۔
مزید سرچ کے دوران 2 مارچ 2021 کو اپلوڈ شدہ ہوبہو ویڈیو پاکستانی صحافی مرتضٰی علی شاہ کے یوٹیوب چینل پر ملی۔ جس میں بھی بتایا گیا ہے کہ ویڈیو میں سندھ کے پی ٹی آئی ایم پی اے کریم بخش گبول ہیں۔ اس سے واضح ہوا کہ ویڈیو پرانی ہے اور جو لوگ نظر آرہے ہیں وہ پی ٹی آئی رہنما اور کارکنان ہیں۔
اس کے علاوہ پاکستان پیوپل پارٹی کے فیس بک پیج پر بھی ویڈیو میں نظر آرہے لوگوں کے حوالے سے لکھا ہے کہ سندھ اسمبلی کے ایوان سے پی ٹی آئی ایم پی اے نے معزز رکن سندھ اسمبلی کریم بخش گبول، جنہوں نے کل پی ٹی آئی کو ووٹ نہ دینے کا اعلان کیا تھا، کو دن دیہاڑے اغوا کر لیا گیا۔
Conclusion
اس طرح نیوز چیکر کی تحقیقات سے یہ ثابت ہوا کہ وائرل ویڈیو کم از کم ڈھائی سال پرانی ہے اور اس میں نظر آرہے لوگ جج ہمایوں دلاور اور ان کے وکیل نہیں ہیں بلکہ پی ٹی آئی لیڈر کریم بخش گبول اور پارٹی کارکنان ہیں۔
Result: False
Sources
Faceboop posts by cbnewshd and PPPMCCS on 2March 2021
Video report published by Murtaza Ali Shah YouTube Channel on 2 March 2021
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
