کیا پاکستان میں پیٹرول کی قیمت 70 روپے کم کرنے کا اعلان کیا گیا؟

Claim

سوشل میڈیا نٹورکنگ سائٹ فیس بک پر 19 دسمبر کو ایک ویڈیو کے ساتھ دعویٰ کیا گیا کہ پاکستان کے وزیر اعظم شہباز شریف نے پیٹرول کی قیمت میں 70 روپے کمی کا اعلان کیا۔ ایک فیس بک صارف نے ویڈیو کے کیپشن میں لکھا ہے کہ “صبح 7 بجے کی ہیڈ لائنس شہباز شریف کا بڑا اعلان پیٹرول کی قیمت میں 70 روپے کمی، اب ہر پاکستانی خوشحال زندگی گزار سکتا ہے”۔

Fact

کیا وزیر اعظم پاکستان کی جانب سے پیٹرول کی قمیت میں 70 روپے کی کمی کا اعلان کیا گیا ہے۔ یہ جاننے کے لئے ہم نے گوگل پر چند کیورڈ سرچ کیے تو ہمیں پاکستانی نیوز ویب سائٹس ڈیلی پاکستان اور سما ٹی وی پر 15 دسمبر 2022 کی خبریں ملیں۔ جس میں دی گئی معلومات کے مطابق پاکستانی حکومت نے پیٹرول 10 روپے اور ڈیزل ساڑھے سات روپے فی لیٹر سستا کرنے کا اعلان کیا ہے۔ لیکن گوگل پر سرچ کرنے سے کہیں بھی 70 روپے فی لیٹر سستا ہونے سے متعلق رپورٹس نہیں ملیں۔

پاکستان کے وزیر اعظم شہباز شریف کے آفیشل فیس بک پیج پر پیٹرول و ڈیزل سے متعلق 16 دسمبر 2022 کی ایک پوسٹ ملی۔ جس میں پیٹرول 10 روپے اور ڈیزل 7 روپے 50 پیسے فی لیٹر سستا کرنے کی بات لکھی ہے۔ لائٹ ڈیزل و مٹی کے تیل کی قمیتوں میں 10،10 روپے کمی کا اعلان کیا گیا ہے۔

پاکستان ‘آئل اینڈ گیس ریگولیٹری اتھارٹی’ کی ویب سائٹ پر بھی ہمیں پیٹرول کی قیمت کے سلسلے میں ایسی کوئی معلومات فراہم نہیں ہوئی، جس میں پیٹرول کی قمیت 70 روپے فی لیٹر سستا ہونے کا ذکر ہو۔ بتادوں کہ اس سے پہلے بھی پاکستان میں پیٹرول ڈیزل کی 40 اور 100 روپے فی لیٹر سستا ہونے کو لے کر دعویٰ کیا گیا تھا۔ جس کا فیکٹ چیک آپ یہاں اور یہاں پڑھ سکتے ہیں۔

تحقیقات میں یہ واضح ہوا کہ پاکستان میں پیٹرول کی قیمت میں 70 روپے کی کمی کے اعلان کی خبر فرضی ہے۔

Result: False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044