ಐ ಲವ್ ಮಹಾದೇವ್ ಮೂಲಕ ಯು.ಪಿ. ಪೊಲೀಸರಿಗೆ ಅಭಿನಂದನೆ, ಅತ್ಯಾಚಾರಿಗಳಿಗೆ ನೇರ ಮರಣದಂಡನೆ ಶಿಕ್ಷೆ, ವಾರದ ನೋಟ

ಐ ಲವ್ ಮಹಾದೇವ್ ಅಭಿಯಾನದ ಮೂಲಕ ಯು.ಪಿ. ಪೊಲೀಸರಿಗೆ ಅಭಿನಂದನೆ, ಅತ್ಯಾಚಾರಿಗಳಿಗೆ ನೇರವಾಗಿ ಮರಣದಂಡನೆ ಶಿಕ್ಷೆ, ಹಿಂದೂಗಳ ವಿರುದ್ಧ ಕೀಳಾಗಿ ಮಾತನಾಡಿದ್ದಕ್ಕಾಗಿ ವಕೀಲ ಪ್ರಶಾಂತ್ ಭೂಷಣ್ ಮೇಲೆ ದಿನಗಳ ಹಿಂದೆ ಥಳಿತ, ಪ್ರತಿಭಟನಾಕಾರರ ಮೇಲೆ ಪೊಲೀಸರ ಕ್ರಮದ ವೀಡಿಯೋ, ಫೆರಾರಿ ಕಾರಿನ ಮೇಲೆ ಹಾರಿದ ಗೂಳಿ ಎಂಬ ವೀಡಿಯೋಗಳು ಈ ವಾರ ಹರಿದಾಡಿದ್ದವು. ಇವುಗಳ ಬಗ್ಗೆ ನ್ಯೂಸ್‌ಚೆಕರ್ ಸತ್ಯಶೋಧನೆ ನಡೆಸಿದಾಗ ಇದು ನಿಜವಲ್ಲ ಎಂದು ಗೊತ್ತಾಗಿದೆ. ಈ ವರದಿಗಳ ಕುರಿತ ವಾರದ ನೋಟ ಇಲ್ಲಿದೆ.

ಐ ಲವ್ ಮಹಾದೇವ್ ಅಭಿಯಾನದ ಮೂಲಕ ಯು.ಪಿ. ಪೊಲೀಸರಿಗೆ ಅಭಿನಂದನೆ?

ಐ ಲವ್ ಮಹಾದೇವ್ ಅಭಿಯಾನದ ಮೂಲಕ ಯು.ಪಿ. ಪೊಲೀಸರಿಗೆ ಅಭಿನಂದನೆ ಸಲ್ಲಿಸುತ್ತಿರುವ ಹಿಂದೂ ಸಮಾಜ ಎಂದು ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗಿದೆ. ಸತ್ಯಶೋಧನೆ ನಡೆಸಿದಾಗ, ಈ ಹೇಳಿಕೆ ಸುಳ್ಳಾಗಿದ್ದು, ರಾಜಸ್ಥಾನದ ವೀಡಿಯೋಕ್ಕೆ ಬೇರೆ ಧ್ವನಿಯನ್ನು ಸೇರಿಸಿ ಈ ವೀಡಿಯೋವನ್ನು ಹಂಚಿಕೊಳ್ಳಲಾಗುತ್ತಿದೆ ಎಂದು ಗೊತ್ತಾಗಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಅತ್ಯಾಚಾರಿಗಳಿಗೆ ನೇರವಾಗಿ ಮರಣದಂಡನೆ ಶಿಕ್ಷೆ ಎನ್ನುವುದು ನಿಜವೇ?

ಅತ್ಯಾಚಾರಿಗಳಿಗೆ ನೇರವಾಗಿ ಮರಣದಂಡನೆ ಶಿಕ್ಷೆ ನೀಡುವ ವಿನೂತನ ಕಾನೂನು ಜಾರಿಯಾಗಿದೆ ಎಂಬಂತೆ ಪೋಸ್ಟ್ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಈ ಬಗ್ಗೆ ಭಾರತೀಯ ನ್ಯಾಯ ಸಂಹಿತೆಯ ಸೆಕ್ಷನ್ ಗಳನ್ನು ನೋಡಿದಾಗ, ಅತ್ಯಾಚಾರಿಗಳಿಗೆ ನೇರವಾಗಿ ಮರಣದಂಡನೆ ಶಿಕ್ಷೆ ಎನ್ನುವುದು ನಿಜವಲ್ಲ, ವಿಶೇಷ ಪ್ರಕರಣಗಳಲ್ಲಿ, ಪ್ರತ್ಯೇಕ ಸೆಕ್ಷನ್ ಗಳಡಿಯಲ್ಲಿ ಮಾತ್ರ ಈ ಶಿಕ್ಷೆ ಅನ್ವಯ ಎಂದು ಗೊತ್ತಾಗಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಹಿಂದೂಗಳ ವಿರುದ್ಧ ಕೀಳಾಗಿ ಮಾತನಾಡಿದ್ದಕ್ಕಾಗಿ ವಕೀಲ ಪ್ರಶಾಂತ್ ಭೂಷಣ್ ಮೇಲೆ ದಿನಗಳ ಹಿಂದೆ ಥಳಿತ?

ಹಿಂದೂಗಳ ವಿರುದ್ಧ ಕೀಳಾಗಿ ಮಾತನಾಡಿದ್ದಕ್ಕಾಗಿ ಕೆಲವು ದಿನಗಳ ಹಿಂದೆ ಸುಪ್ರೀಂ ಕೋರ್ಟ್ ವಕೀಲ ಪ್ರಶಾಂತ್ ಭೂಷಣ್ ಅವರನ್ನು ಥಳಿಸಲಾಗಿದೆ ಎಂದು ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಈ ಬಗ್ಗೆ ಸತ್ಯಶೋಧನೆ ಮಾಡಿದಾಗ, ವಕೀಲ ಪ್ರಶಾಂತ್ ಭೂಷಣ್ ಅವರಿಗೆ ಥಳಿಸಿದ ಪ್ರಕರಣ 2011ರದ್ದಾಗಿದೆ ಮತ್ತು ಜಮ್ಮು ಮತ್ತು ಕಾಶ್ಮೀರದ ಕುರಿತಾಗಿ ಮಾತನಾಡಿದ್ದ ವಿರುದ್ಧ ವ್ಯಕ್ತಿಗಳು ಥಳಿಸಿದ್ದಾಗಿ ಭೂಷಣ್ ಹೇಳಿಕೊಂಡಿದ್ದರು ಎಂದು ತಿಳಿದುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಪ್ರತಿಭಟನಾಕಾರರ ಮೇಲೆ ಪೊಲೀಸರ ಕ್ರಮ, ಅಣಕು ಪ್ರದರ್ಶನದ ವೀಡಿಯೋ ವೈರಲ್!

ಆಡಳಿತದ ವಿರುದ್ಧ ಘೋಷಣೆ ಕೂಗುತ್ತಿದ್ದ ಪ್ರತಿಭಟನಕಾರರನ್ನು ಪೊಲೀಸರು ಚದುರಿಸುತ್ತಿರುವ ವೀಡಿಯೋ ಒಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಅನೇಕ ಬಳಕೆದಾರರು ಇದನ್ನು ಉತ್ತರ ಪ್ರದೇಶದಲ್ಲಿ ಚಿತ್ರೀಕರಿಸಲಾಗಿದೆ ಎಂದು ಹೇಳಿಕೊಂಡಿದ್ದಾರೆ. ಆದರೆ ವೈರಲ್ ವೀಡಿಯೋ ಜಾರ್ಖಂಡ್ ನ ಬೊಕಾರೊವಿನಲ್ಲಿ ನಡೆದ ಅಣಕು ಪ್ರದರ್ಶನದ್ದಾಗಿದೆ. ಇದು ನಿಜವಾದ್ದಲ್ಲ ಎಂದು ಗೊತ್ತಾಗಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಫೆರಾರಿ ಕಾರಿನ ಮೇಲೆ ಹಾರಿದ ಗೂಳಿ, ವೈರಲ್ ವೀಡಿಯೋ ಎಐ ಸೃಷ್ಟಿ!

ಫೆರಾರಿ ಕಾರಿನ ಮೇಲೆ ಹಾರಿದ ಗೂಳಿ ಎಂದು ವೀಡಿಯೋ ಒಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಶೋಧನೆ ವೇಳೆ ಇದು ಎಐ ಮೂಲಕ ರಚಿಸಿದ ವೀಡಿಯೋ, ನಿಜವಾದ ಘಟನೆಯದ್ದಲ್ಲ ಎಂದು ತಿಳಿದುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ