ವಿಶ್ವದ ಅತ್ಯಂತ ಭ್ರಷ್ಟ 10 ಪಕ್ಷಗಳಲ್ಲಿ ಕಾಂಗ್ರೆಸ್‌ಗೆ ಪ್ರಥಮ ಸ್ಥಾನ, ಮುಸ್ಲಿಂ ಲೀಗ್ ಧ್ವಜ ಕಿತ್ತರು ಎಂದು ಮೂಡಬಿದ್ರೆಯ ಹಳೆಯ ವೀಡಿಯೋ ವೈರಲ್, ವಾರದ ನೋಟ

ವಿಶ್ವದ ಅತ್ಯಂತ ಭ್ರಷ್ಟ 10 ಪಕ್ಷಗಳಲ್ಲಿ ಕಾಂಗ್ರೆಸ್‌ಗೆ ಪ್ರಥಮ ಸ್ಥಾನ, ಮುಸ್ಲಿಂ ಲೀಗ್ ಧ್ವಜ ಕಿತ್ತರು ಎಂದು ಮೂಡಬಿದ್ರೆಯ ಹಳೆಯ ವೀಡಿಯೋ ವೈರಲ್, ಅಮೆರಿಕದ ಮುಸ್ಲಿಮರು ಹಿಂದೂಗಳೊಂದಿಗೆ ವ್ಯಾಪಾರ ನಡೆಸದಂತೆ ಜಾಗೃತಿ, ಮದ್ಯದ ಅಮಲಿನಲ್ಲಿ ಬೆಕ್ಕು ಎಂದು ಹುಲಿಯ ತಲೆ ಸವರಿದ ವ್ಯಕ್ತಿ, ಕೃತಕ ಗುಡಿಸಲಿನಲ್ಲಿ ಬಡ ಮಹಿಳೆಯನ್ನು ಭೇಟಿ ಮಾಡಿದಂತೆ ನಟಿಸುತ್ತಿರುವ ಪ್ರಧಾನಿ ಮೋದಿ ಎಂಬ ಹೇಳಿಕೆಗಳು ಈ ವಾರ ಪ್ರಮುಖವಾಗಿದ್ದು, ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದವು. ಇವುಗಳ ಬಗ್ಗೆ ನ್ಯೂಸ್‌ಚೆಕರ್ ಸತ್ಯಶೋಧನೆ ನಡೆಸಿದ್ದು, ಇದು ಸುಳ್ಳು ಎಂದು ಸಾಕ್ಷ್ಯಗಳೊಂದಿಗೆ ಋಜುವಾತು ಪಡಿಸಿದೆ. ಈ ಕುರಿತ ವಾರದ ನೋಟ ಇಲ್ಲಿದೆ.

ವಿಶ್ವದ ಅತ್ಯಂತ ಭ್ರಷ್ಟ 10 ಪಕ್ಷಗಳಲ್ಲಿ ಕಾಂಗ್ರೆಸ್‌ಗೆ ಪ್ರಥಮ ಸ್ಥಾನ ಎಂದ ಬಿಬಿಸಿ, ಇದು ನಿಜವೇ?

ವಿಶ್ವದ ಅತ್ಯಂತ ಭ್ರಷ್ಟ 10 ಪಕ್ಷಗಳಲ್ಲಿ ಕಾಂಗ್ರೆಸ್‌ ಪ್ರಥಮ ಸ್ಥಾನದಲ್ಲಿದೆ ಎಂದು ಬಿಬಿಸಿ ಹೇಳಿದೆ ಎಂದು ಹೇಳಿಕೆಯೊಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಈ ಬಗ್ಗೆ ಶೋಧ ನಡೆಸಿದಾಗ, ಬಿಬಿಸಿ ಹೆಸರಿನ ಈ ಹೇಳಿಕೆ ಸುಳ್ಳು ಎಂದು ಕಂಡುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಮುಸ್ಲಿಂ ಲೀಗ್ ಧ್ವಜ ಕಿತ್ತರು ಎಂದು ಮೂಡಬಿದ್ರೆಯ ಹಳೆಯ ವೀಡಿಯೋ ಕೇರಳದಲ್ಲಿ ವೈರಲ್

ಮುಸ್ಲಿಂ ಲೀಗ್ ಧ್ವಜವನ್ನು ಕರ್ನಾಟಕದ ಪೊಲೀಸರು ತೆಗೆದು ಹಾಕಿದ್ದಾರೆ ಎಂಬ ಹೇಳಿಕೆಯೊಂದಿಗೆ ವೀಡಿಯೋ ಒಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ಈ ಬಗ್ಗೆ ಸತ್ಯಶೋಧನೆ ಮಾಡಿದಾಗ, ವೀಡಿಯೋದಲ್ಲಿ ಕಾಣುವ ಧ್ವಜವು ಮುಸ್ಲಿಂ ಲೀಗ್‌ಗೆ ಸೇರಿಲ್ಲ. ಧ್ವಜ ತೆಗೆಯುವಲ್ಲಿ ಸರ್ಕಾರದ ಪಾತ್ರವಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ ಎಂದು ಗೊತ್ತಾಗಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಅಮೆರಿಕದ ಮುಸ್ಲಿಮರು ಹಿಂದೂಗಳೊಂದಿಗೆ ವ್ಯಾಪಾರ ನಡೆಸದಂತೆ ಜಾಗೃತಿ

ಅಮೆರಿಕದ ಮುಸ್ಲಿಮರು ಹಿಂದೂಗಳೊಂದಿಗೆ ವ್ಯಾಪಾರ ನಡೆಸದಂತೆ ಜಾಗೃತಿ ಮೂಡಿಸುತ್ತಿದ್ದಾರೆ ಎಂಬ ಹೇಳಿಕೆಯೊಂದಿಗೆ ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಆದರೆ ಈ ಪ್ರತಿಭಟನೆ ನೂಪುರ್ ಶರ್ಮಾ ಅವರ ಹೇಳಿಕೆ ವಿರುದ್ಧವಾಗಿ ಶಿಕಾಗೋದಲ್ಲಿ ನಡೆದಿದ್ದಾಗಿತ್ತು ಎಂದು ತಿಳಿದುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಮದ್ಯದ ಅಮಲಿನಲ್ಲಿ ಬೆಕ್ಕು ಎಂದು ಹುಲಿಯ ತಲೆ ಸವರಿದ ವ್ಯಕ್ತಿ? ಇಲ್ಲ ಇದು ಎಐ ಸೃಷ್ಟಿ

ಮದ್ಯದ ಅಮಲಿನಲ್ಲಿ ಬೆಕ್ಕು ಎಂದು ವ್ಯಕ್ತಿ ಹುಲಿಯ ತಲೆ ಸವರಿದ್ದಾನೆ ಎಂಬಂತೆ ಹೇಳಿಕೆಯೊಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಆದರೆ ಸತ್ಯಶೋಧನೆಯ ಪ್ರಕಾರ, ಇದು ಎಐನಿಂದ ರಚಿಸಿದ ವೀಡಿಯೋ ಆಗಿದ್ದು, ನಿಜವಾದ್ದಲ್ಲ, ಮದ್ಯದ ಅಮಲಿನಲ್ಲಿ ಬೆಕ್ಕು ಎಂದು ಹುಲಿಯ ತಲೆ ಸವರಿದ ವ್ಯಕ್ತಿ ಎನ್ನುವುದು ಎಐ ರಚಿತವಾದದ್ದು ಎಂದು ಕಂಡುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಕೃತಕ ಗುಡಿಸಲಿನಲ್ಲಿ ಬಡ ಮಹಿಳೆ ಭೇಟಿ ಮಾಡಿದಂತೆ ನಟಿಸುತ್ತಿರುವ ಪ್ರಧಾನಿ ಮೋದಿ, ಸತ್ಯವೇನು?

ಕೃತಕ ಗುಡಿಸಲಿನಲ್ಲಿ ಬಡ ಮಹಿಳೆಯನ್ನು ಭೇಟಿ ಮಾಡಿದಂತೆ ನಟಿಸುತ್ತಿರುವ ಪ್ರಧಾನಿ ನರೇಂದ್ರ ಮೋದಿ ಎಂದು ಹೇಳಿಕೆಯೊಂದು ಹರಿದಾಡಿದೆ. ಈ ಬಗ್ಗೆ ಶೋಧ ನಡೆಸಿದಾಗ, ಪಿಎಂ ವಿಶ್ವಕರ್ಮ ಯೋಜನೆಗೆ ಚಾಲನೆಯ ಸಂದರ್ಭದಲ್ಲಿ ಮಹಿಳೆಯೊಬ್ಬರನ್ನು ದೆಹಲಿ ವಸ್ತುಪ್ರದರ್ಶನ ಕಾರ್‍ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭೇಟಿ ಮಾಡಿದ ಫೋಟೋ ಇದಾಗಿದೆ ಎಂದು ತಿಳಿದುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ