Authors
A post-graduate in Mass Communication, Ram has an experience of 8 years in the field of Media. He has worked for radio, television, e-commerce. Appalled by the spread of fake news and disinformation, he found it both challenging and satisfying to bring out the truth and nullify the effects of fake news in society.
Claim: பிரபல பாடகர் யேசுதாஸின் மகன் விஜய் யேசுதாஸின் மகள் அமேயா என்று பரவும் வீடியோ
Fact: இத்தகவல் தவறானதாகும். வைரலாகும் வீடியோவிலிருப்பவர் ஸ்ரீலலிதா எனும் பாடகியாவார். இவர் தன் மகள் அமேயா அல்ல என்று விஜய் யேசுதாஸும் மறுப்பு தெரிவித்துள்ளார்.
பிரபல பாடகர் யேசுதாஸின் மகன் விஜய் யேசுதாஸ். இவரும் பிரபலமான பாடகரேயாவார். பாடலைத் தவிர்த்து மாரி, படைவீரன் உள்ளிட்ட திரைப்படங்களில் நடிக்கவும் செய்துள்ளார். இவரின் மகள் அமேயா என்று குறிப்பிட்டு பாடகி ஒருவரின் வீடியோ ஒன்று சமூக ஊடகங்களில் பரவி வருகின்றது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: பிரிக்ஸ் மாநாட்டின் முக்கிய நிகழ்ச்சியில் பிரதமர் மோடி விரட்டியடிக்கப்பட்டாரா?
Fact Check/Verification
பிரபல பாடகர் யேசுதாஸின் மகன் விஜய் யேசுதாஸின் மகள் என்று பரவும் வீடியோவை தனித்தனி கீஃபிரேம்களாகப் பிரித்து, அவற்றை ரிவர்ஸ் சர்ச் முறைக்கு உட்படுத்தி அவ்வீடியோ குறித்து தேடினோம்.
இத்தேடலில் ‘srilalithagudipati’ (ஸ்ரீலலிதா குடிபாடி)’ என்பவரின் இன்ஸ்டாகிராம் பக்கத்தில் வைரலாகும் வீடியோ மே 11 ஆம் தேதி பதிவிடப்பட்டிருந்ததை காண முடிந்தது.
தொடர்ந்து தேடுகையில் வைரலாகும் இவ்வீடியோவை ஸ்ரீலலிதா அவரது யூடியூப், மற்றும் ஃபேஸ்புக் பக்கங்களிலும் பகிர்ந்திருப்பதை காண முடிந்தது. இவர் குறித்து தேடுகையில் இவர் ஆந்திர மாநிலம் விஜயவாடாவை சேர்ந்தவர் என்று அவரது ஃபேஸ்புக் பக்கத்தின் வழியாக அறிய முடிந்தது.
இதனையடுத்து தேடுகையில் வைரலாகும் வீடியோவிலிருப்பவர் ‘தன் மகள் அல்ல, இவர் ஆந்திராவில் பிரபல பாடகர்’ என்று விஜய் யேசுதாஸ் அவரது இன்ஸ்டாகிராம் ஸ்டோரி வழியாக தெளிவுப்படுத்தி இருப்பதை காண முடிந்தது. இதுகுறித்த செய்தியானது நியூஸ் 18 மலையாளத்தில் வெளிவந்திருந்தது.
கிடைத்த ஆதாரங்களின்படி பார்க்கையில் வைரலாகும் வீடியோவில் இருப்பவர் யேசுதாஸின் மகன் விஜய் யேசுதாஸின் மகள் அல்ல என தெளிவாகின்றது.
ஸ்ரீலலிதா 2019 ஆம் ஆண்டில் யேசுதாஸ் பாடிய ஹரிவராசனம் பாடலை பாடி தனது யூடியூப் பக்கத்தில் பதிவிட்டிருந்தார். அவ்வீடியோவை வைத்து இவர் யேசுதாஸின் பேத்தி என்று ஏற்கனவே பரவிய நிலையில், இத்தகவல் பொய்யானது என்று நியூஸ்செக்கர் மலையாளத்தில் செய்தி வெளியிடப்பட்டுள்ளது.
Also Read: அதிமுகவினருக்கு விஜய் ரசிகர்கள் அரிவாளுடன் கொலை மிரட்டல் என்று பரவுவது சமீபத்திய வீடியோவா?
Conclusion
பிரபல பாடகர் யேசுதாஸின் மகன் விஜய் யேசுதாஸின் மகள் என்று பரப்பப்படும் வீடியோவிலிருப்பவர் விஜயவாடாவை சார்ந்த ஸ்ரீலலிதா எனும் பாடகியாவார். இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Our Sources
Instagram post from Srilalitha, Singer, Dated May 11, 2024
Report from News 18 Malayalam, October 17, 2024
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்
Authors
A post-graduate in Mass Communication, Ram has an experience of 8 years in the field of Media. He has worked for radio, television, e-commerce. Appalled by the spread of fake news and disinformation, he found it both challenging and satisfying to bring out the truth and nullify the effects of fake news in society.
