இந்தியாவில் காவி நிற லம்போர்கினி காரை உடைக்கும் மாடு என்று பரவும் வீடியோ உண்மையா?

இந்தியாவில் காவி நிற லம்போர்கினியை ஏறி உடைக்கும் மாடு என்பதாக வீடியோ ஒன்று சமூக வலைத்தளங்களில் பரவி வருகிறது.

”நாங்க வர்ற வழியில எவண்டா காரை நிப்பாட்டி வச்சது? காவி நிறத்தில் கார் இருந்தால் பயப்படுவதற்கு நாங்க என்ன உ பி போலீசா?” என்று இந்த வீடியோ பரவுகிறது.

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: ‘I love Muhammad’ ஸ்டிக்கர் ஒட்டிய இஸ்லாமியர்கள் கைது செய்யப்பட்டதாக பரவும் வீடியோ உண்மையானதா?

Fact Check/Verification

இந்தியாவில் காவி நிற லம்போர்கினியை ஏறி உடைக்கும் மாடு என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது AIKalaakari  என்கிற சமூக வலைத்தளப்பக்கத்தில் இந்த வீடியோ இடம்பெற்றிருந்தது. அதில்,  ”Angry cow damages a Lamborghini in India!” என்கிற தலைப்பில் இந்த வீடியோ இடம்பெற்றிருந்தது. மேலும், அந்த வீடியோ உருவாக்க உபயோகிக்கப்பட்ட AI குறித்த தகவல்களும் இடம்பெற்றிருந்தன.

மேலும், அந்த சமூக வலைத்தளப்பக்கத்தில் இதேபோன்று AI மூலமாக உருவாக்கப்பட்ட பல்வேறு வீடியோக்களும் இடம்பெற்றுள்ளன. அந்த சமூக வலைத்தளப்பக்கத்திலேயே ”Filmmaker. 18 yrs in media. Creating a world of AI Art.” என்றும் இடம்பெற்றுள்ளது.

குறிப்பிட்ட AI வீடியோவே தற்போது காவி நிற காரை உடைக்கும் மாடு என்பதாகப் பரவி வருகிறது.

Also Read: தவெக தலைவர் விஜய் இயக்குனர் S.A.சந்திரசேகரின் சொந்த மகனில்லை என்று பரவும் தவறான தகவல்!

Conclusion

இந்தியாவில் காவி நிற லம்போர்கினியை ஏறி உடைக்கும் மாடு என்று பரவும் வீடியோ AI மூலமாக உருவாக்கப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
Instagram Post From, aikalaakari, Dated October 04, 2025
Instagram Post from, aikalaakari, Dated October 05, 2025