پانچ اہم تحقیقات پر مشتمل رپورٹ محض 5 منٹ میں درج ذیل کے سلائیڈ میں پڑھیں۔ جنہیں اس ہفتے سوشل میڈیا پر صارفین نے کافی شیئر کیا تھا۔
گجرات کے پیرانہ کے مسلمانوں کے ہجرت کرنے سے متعلق وائرل ویڈیو گمراہ کن دعوے کے ساتھ ہوا وائرل
اس ہفتے 36 سیکینڈ کے ایک ویڈیو کے ساتھ دعویٰ کیا گیا کہ گجرات کے پیرانہ کے مسلمانوں کو مودی اور آر ایس ایس نے ہجرت کرنے پر مجبور کردیا ہے۔تحقیقات سے پتا چلا کہ جو ویڈیو گجرات کے احمدآباد سے متصل گاؤں پیرانہ کے مسلمانوں کی ہجرت کی خبر کے ساتھ شیئر کیا جا رہا ہے وہ گمراہ کن ہے۔
کیا اکھیلیش یادو نے کہی یوپی میں یوگی سرکار بننے کی بات؟
سوشل میڈِیا پر اکھیلیش یادو کی پوسٹر ہاتھ میں لئے ایک تصویر خوب شیئر کی گئی ہے۔ جس پر لکھا تھا کہ “جو رام کو لائے ہیں ہم ان کو لائیں گے، یوپی پھر مانگے بھاجپا سرکار”۔ جبکہ تحقیقات سے واضح ہوا کہ یوپی کے سابق وزیر اعلیٰ اکھیلیش یادو کی یہ تصویر ترمیم شدہ ہے۔جسے سوشل میڈیا پر گمراہ کن دعوے کے ساتھ شیئر کیا جا رہا ہے۔
کینیڈا کے وزیر اعظم جسٹن ٹروڈو کی یہ تصویر لنگر سے کھانا لیتے وقت کی نہیں ہے
سوشل میڈیا پر کینیڈا کے وزیر اعظم جسٹن ٹروڈو کی ایک تصویر کے ساتھ دعویٰ کیا گیا کہ ان کی یہ تصویر لنگر سے کھانا لیتے وقت کی ہے۔ جبکہ تحقیقات سے پتا چلا کہ کینیڈا کے وزیر اعظم جسٹن ٹروڈو کی جس تصویر کے ساتھ مذکورہ دعویٰ کیا گیا وہ لنگر سے کھانا لیتے وقت کی نہیں بلکہ ریستوراں سے کھانا خریدتے وقت کی ہے۔
پٹنہ کے خان سر کا پرانا ویڈیو ریلوے بھرتی امتحان کو لے کر ہوئے احتجاج سے جوڑ کر کیا جا رہا ہے شیئر
اس ہفتے سوشل میڈیا پر پٹنہ والے خان سر بھی خوب سرخیوں میں رہے۔ خان سر کے ایک ویڈیو کو آر آر بی این ٹی پی سی امیدواروں کو تشدد کے لئے بھڑکانے کا بتاکر خوب شیئر کیا گیا۔ جبکہ تحقیقات سے پتا چلا کہ جس دعوے کے ساتھ ویڈیو کو شیئر کیا گیا تھا وہ ویڈیو 2020 کا ہے۔ جسے اب گمراہ کن دعوے کے ساتھ شیئر کیا جا رہا ہے۔
دنیا کے سب سے معمر شخص سوڈیمیڈجو کی تصویر کے ساتھ کیا گیا دعویٰ گمراہ کن ہے
اس ہفتے انڈونیشیا کے رہنے والے معمر شخص کی سیگریٹ نوشی کرتے ہوئے تصویر کو سوشل میڈیا پر خوب شیئر کیا گیا۔ صارف کا اس تصویر سے متعلق دعویٰ تھا کہ “انڈونیشیا کے رہنے والے اس بوڑھے شخص کی عمر 146 سال ہوگئی ہے، ان کا نام سوڈیمیڈ ہے۔ سوڈیمیڈ بہت زیادہ سیگریٹ نوشی کرنے کے باوجود اب تک باحیات ہیں” جبکہ تحقیقات سے پتا چلا کہ تصویر میں نظر آرہے معمر شخص کی موت 2017 میں ہی ہو چکی ہے۔
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
