ಆಪರೇಷನ್ ಸಿಂದೂರ ಕುರಿತು ಹೇಳಿಕೆಗಳು, ವಾರದ ನೋಟ

ಆಪರೇಷನ್ ಸಿಂದೂರ ಕುರಿತ ಹೇಳಿಕೆಗಳು ಈ ವಾರವೂ ಹೆಚ್ಚಾಗಿ ಹರಿದಾಡಿವೆ. ಭಾರತ ದಾಳಿಯಲ್ಲಿ ಪಾಕಿಸ್ತಾನದ ನೂರ್ ಖಾನ್ ವಿಮಾನ ನಿಲ್ದಾಣ ಧ್ವಂಸ ಎಂದು ಸುಡಾನ್ ವೀಡಿಯೋ, ಧ್ವಂಸವಾದ ರಾವಲ್ಪಿಂಡಿ ಕ್ರೀಡಾಂಗಣ ಎಂದು ಎಐ ಫೊಟೋ ವೈರಲ್, ಕರ್ನಲ್ ಸೋಫಿಯಾ ಖುರೇಶಿ ಮನೆಗೆ ಆರೆಸ್ಸೆಸ್‌ ದಾಳಿ, ಕರ್ನಲ್ ಸೋಫಿಯಾ ಖುರೇಷಿ ನಾನು ಮುಸ್ಲಿಂ, ಆದರೆ ಉಗ್ರ ಅಲ್ಲ ಎಂದಿದ್ದಾರೆ, ಮೊದಲ ಕರ್ತವ್ಯದಲ್ಲೇ ಕಿರಣ್ ಶೇಖಾವತ್ ಹುತಾತ್ಮರಾಗಿದ್ದಾರೆ ಎಂಬಂತೆ ಹೇಳಿಕೆಗಳಿದ್ದವು. ಇವುಗಳ ಬಗ್ಗೆ ಸತ್ಯಶೋಧನೆ ನಡೆಸಿದಾಗ ಇವುಗಳು ಸುಳ್ಳು ಹೇಳಿಕೆಗಳು ಎಂದು ಕಂಡುಬಂದಿವೆ. ಇದರೊಂದಿಗೆ ವಾಟ್ಸಾಪ್‌ ಕುರಿತಾಗಿ ಹೊಸ ಸಂವಹನ ನಿಯಮಗಳು ಜಾರಿಗೆ ಬರಲಿವೆ, ಕಡಿಮೆ ನಿದ್ರೆ ಮಾಡುವುದರಿಂದ ಕ್ಯಾನ್ಸರ್, ಹೃದಯಾಘಾತದ ಅಪಾಯ ಹೆಚ್ಚು ಎಂದೂ ಹೇಳಿಕೆಗಳಿದ್ದವು. ಈ ಕುರಿತೂ ಪರಿಶೀಲನೆ ನಡೆಸಿದಾಗ, ಇವುಗಳೂ ಸುಳ್ಳು ಎಂದು ನ್ಯೂಸ್‌ಚೆಕರ್ ಕಂಡುಕೊಂಡಿದೆ. ಈ ಕುರಿತ ವಾರದ ನೋಟ ಇಲ್ಲಿದೆ.

ಭಾರತ ದಾಳಿಯಲ್ಲಿ ಪಾಕಿಸ್ತಾನದ ನೂರ್ ಖಾನ್ ವಿಮಾನ ನಿಲ್ದಾಣ ಧ್ವಂಸ ಎಂದು ಸುಡಾನ್ ವೀಡಿಯೋ ವೈರಲ್

ಭಾರತದ ಸೇನಾ ಪಡೆಗಳು ಪಾಕಿಸ್ತಾನದ ನೂರ್ ಖಾನ್ ವಿಮಾನ ನಿಲ್ದಾಣಗಳನ್ನು ಪುಡಿಗಟ್ಟಿದೆ ಎಂಬಂತೆ ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಈ ವೀಡಿಯೋ ಬಗ್ಗೆ ಸತ್ಯಶೋಧನೆ ನಡೆಸಿದಾಗ, ಇದು ಸುಡಾನ್ ವೀಡಿಯೋ ಎಂದು ಗೊತ್ತಾಗಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಮೊದಲ ಕರ್ತವ್ಯದಲ್ಲೇ ಕಿರಣ್ ಶೇಖಾವತ್ ಹುತಾತ್ಮರಾಗಿದ್ದಾರೆ ಎಂದ ವೀಡಿಯೋ ಸತ್ಯಾಸತ್ಯತೆ ಏನು?

ಭಾರತ-ಪಾಕಿಸ್ತಾನದ ಮಧ್ಯೆ ಯುದ್ಧ ಸದೃಶ ವಾತಾವರಣ ಸೃಷ್ಟಿಯಾದ ಬೆನ್ನಲ್ಲೇ ಮೊದಲ ಕರ್ತವ್ಯದಲ್ಲಿ ಕಿರಣ್ ಶೇಖಾವತ್ ಹುತಾತ್ಮರಾಗಿದ್ದಾರೆ ಎಂಬಂತೆ ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಇದರ ಬಗ್ಗೆ ಶೋಧ ನಡೆಸಿದಾಗ, ಮ್ಯೂಸಿಕ್ ವೀಡಿಯೋ ಒಂದನ್ನು ಹಂಚಿಕೊಂಡು ಕಿರಣ್ ಶೇಖಾವತ್ ಹೆಸರನ್ನು ಹಾಕಿಕೊಳ್ಳಲಾಗುತ್ತಿದೆ ಇದು ಸುಳ್ಳು ಎಂದು ಕಂಡುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಧ್ವಂಸವಾದ ರಾವಲ್ಪಿಂಡಿ ಕ್ರೀಡಾಂಗಣ ಎಂದು ವೈರಲ್‌ ಆಗುತ್ತಿರುವ ಫೋಟೋ ಎಐ ಸೃಷ್ಟಿ

ಧ್ವಂಸವಾದ ರಾವಲ್ಪಿಂಡಿ ಕ್ರೀಡಾಂಗಣದ ಇತ್ತೀಚಿನ ಫೋಟೋ ಎಂದು ಫೋಟೋ ಒಂದನ್ನು ಹಂಚಿಕೊಳ್ಳಲಾಗುತ್ತಿದೆ. ಇದರ ಬಗ್ಗೆ ಶೋಧನೆ ನಡೆಸಿದಾಗ, ಇದು ಎಐ ನಿಂದ ಮಾಡಿದ ಫೊಟೋ ಎಂದು ಕಂಡುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಕರ್ನಲ್ ಸೋಫಿಯಾ ಖುರೇಶಿ ಮನೆಗೆ ಆರೆಸ್ಸೆಸ್‌ ದಾಳಿ; ಇದೊಂದು ಸುಳ್ಳು ಸುದ್ದಿ

ಆಪರೇಷನ್ ಸಿಂದೂರ ಸೇನಾ ಕಾರ್‍ಯಚರಣೆ ಬಗ್ಗೆ ಮಾಧ್ಯಮಗಳಿಗೆ ಮಾಹಿತಿ ನೀಡುತ್ತಿದ್ದ ಸೇನೆಯ ಕರ್ನಲ್ ಸೋಫಿಯಾ ಖುರೇಷಿ ಅವರ ಮನೆಗೆ ಆರೆಸ್ಸೆಸ್‌ ದಾಳಿ ನಡೆಸಿದೆ ಎಂಬಂತೆ ಹೇಳಿಕೆಯೊಂದು ವೈರಲ್ ಆಗಿದೆ. ಇದರ ಬಗ್ಗೆ ಪರಿಶೀಲನೆ ನಡೆಸಿದಾಗ, ಅಂತಹ ಘಟನೆ ನಡೆದಿಲ್ಲ, ಆರೆಸ್ಸೆಸ್‌ ದಾಳಿ ನಡೆಸಿದೆ ಎನ್ನುವುದು ಸುಳ್ಳು ಎಂದು ಕಂಡುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಕರ್ನಲ್ ಸೋಫಿಯಾ ಖುರೇಷಿ ನಾನು ಮುಸ್ಲಿಂ, ಆದರೆ ಉಗ್ರ ಅಲ್ಲ ಎಂದಿದ್ದಾರೆ ಎನ್ನುವುದು ಡೀಪ್ ಫೇಕ್ ವೀಡಿಯೋ

ರ್ನಲ್ ಸೋಫಿಯಾ ಖುರೇಷಿ ಅವರು ಮಾಧ್ಯಮ ಗೋಷ್ಠಿಯಲ್ಲಿ ನಾನು ಮುಸ್ಲಿಂ ಆದರೆ ಪಾಕಿಸ್ತಾನಿ ಅಲ್ಲ ಮತ್ತು ಉಗ್ರಳಲ್ಲ, ಭಯೋತ್ಫಾದನೆಗೆ ಯಾವುದೇ ಧರ್ಮವಿಲ್ಲ ಎಂದು ಹೇಳುತ್ತಿರುವ ವೀಡಿಯೋ ಹರಿದಾಡುತ್ತಿದೆ. ಇದರ ಬಗ್ಗೆ ನ್ಯೂಸ್‌ಚೆಕರ್ ಸತ್ಯಶೋಧನೆ ನಡೆಸಿದಾಗ, ಇದು ಡೀಪ್ ಫೇಕ್ ವೀಡಿಯೋ ಆಗಿದೆ ಎಂದು ಕಂಡುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ವಾಟ್ಸಾಪ್ ಮತ್ತು ಫೋನ್ ಕರೆಗಳಿಗೆ ಹೊಸ ಸಂವಹನ ನಿಯಮಗಳು ಜಾರಿಗೆ ಬರಲಿವೆ ಎನ್ನುವುದು ಸುಳ್ಳು

ವಾಟ್ಸಾಪ್ ಮತ್ತು ಫೋನ್ ಕರೆಗಳಿಗೆ ಹೊಸ ಸಂವಹನ ನಿಯಮಗಳು ಜಾರಿಗೆ ಬರಲಿವೆ ಎಂದು ಹೇಳಿಕೆಯೊಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಸತ್ಯಶೋಧನೆ ನಡೆಸಿದಾಗ,  ವಾಟ್ಸಾಪ್ ಬಳಕೆದಾರರ ಕರೆಗಳನ್ನು ರೆಕಾರ್ಡ್ ಮಾಡುವುದಿಲ್ಲ ಅಥವಾ ಸರ್ಕಾರದ ಕಣ್ಗಾವಲು ಸೂಚಿಸುವ ಹೊಸ ಟಿಕ್ ವ್ಯವಸ್ಥೆಯನ್ನು ಪರಿಚಯಿಸಿಲ್ಲ ಎಂದು ಸತ್ಯಶೋಧನೆಯಲ್ಲಿ ತಿಳಿದುಬಂದಿದೆ. ಈ ಕುರಿತ ವರದಿ ಇಲ್ಲಿ ಓದಿ

ಕಡಿಮೆ ನಿದ್ರೆ ಮಾಡುವುದರಿಂದ ಹೃದಯಾಘಾತ, ಕ್ಯಾನ್ಸರ್ ಅಪಾಯ ಹೆಚ್ಚಾಗುತ್ತದೆಯೇ?

ಕಡಿಮೆ ನಿದ್ರೆ ಮಾಡುವುದರಿಂದ ಹೃದಯಾಘಾತ, ಕ್ಯಾನ್ಸರ್ ಅಪಾಯ ಹೆಚ್ಚು ಎಂಬಂತೆ ಹೇಳಿಕೆಯೊಂದನ್ನು ಹಂಚಿಕೊಳ್ಳಲಾಗುತ್ತಿದೆ. ಈ ಬಗ್ಗೆ ಶೋಧ ನಡೆಸಿದಾಗ, ಕಡಿಮೆ ನಿದ್ರೆ ಮಾಡುವುದರಿಂದ ಆರೋಗ್ಯಕ್ಕೆ ಪ್ರತಿಕೂಲ ಪರಿಣಾಮಗಳನ್ನು ನೀಡಬಹುದು. ಆದರೆ ವೈರಲ್ ಹೇಳಿಕೆಯಲ್ಲಿ ಹೇಳಿದಂತೆ 7 ಗಂಟೆಗಿಂತ ಕಡಿಮೆ ನಿದ್ರೆ ಮಾಡಿದರೆ ಶೇಕಡಾವಾರು ಹೃದಯಾಘಾತ, ಕ್ಯಾನ್ಸರ್ ಅಪಾಯ ಇಷ್ಟಿಷ್ಟು ಪ್ರಮಾಣದಲ್ಲಿ ಹೆಚ್ಚಾಗುತ್ತದೆ ಎನ್ನುವುದು ನಿಜವಲ್ಲ. ಎಂದು ಗೊತ್ತಾಗಿದೆ. ಈ ಕುರಿತ ವರದಿ ಇಲ್ಲಿ ಓದಿ