Thursday, June 20, 2024
Thursday, June 20, 2024

HomeFact CheckFact Check: यूपी सरकारने गांजा ओढणाऱ्यांसाठी व्हेकेन्सी काढली आहे का? येथे सत्य...

Fact Check: यूपी सरकारने गांजा ओढणाऱ्यांसाठी व्हेकेन्सी काढली आहे का? येथे सत्य वाचा

सोशल मीडियावर एक पोस्ट शेअर करण्यात आली आहे ज्यात दावा केला आहे की यूपीमध्ये गांजा ओढणाऱ्यांसाठी नोकरी आली आहे, ज्यामध्ये त्यांना 80 लाखांहून अधिक पगार मिळेल. पोस्ट शेअर करताना यूपीच्या योगी सरकारवर निशाणा साधला जात आहे. समाजवादी पार्टीच्या मीडिया सेलसह अनेक यूजर्सनी ही पोस्ट शेअर करत ‘योगीराजमध्ये काहीही शक्य आहे’ असे लिहिले आहे.

Fact Check: यूपी सरकारने गांजा ओढणाऱ्यांसाठी व्हेकेन्सी काढली आहे का? येथे सत्य वाचा
Courtesy: Twitter@MediaCellSP

पोस्टचे संग्रहण येथे पाहिले जाऊ शकते.

Fact Check/ Verification

दाव्याची सत्यता पडताळून पाहण्यासाठी, आम्ही ‘up govt ganja job’ या कीवर्डसह Google शोध केला, परंतु UP सरकारने गांजा ओढणार्‍यांसाठी नोकऱ्या निर्माण केल्याचा दावा करणारा कोणताही मीडिया रिपोर्ट आम्हाला सापडला नाही.

यानंतर आम्ही इतर काही कीवर्डच्या मदतीने गुगल सर्च केले. आम्हाला 13 फेब्रुवारी 2023 रोजी ‘ABP UNCUT‘ च्या Instagram पेजवर शेअर केलेल्या व्हिडिओवरून माहिती मिळाली की, Cannamedical ही जर्मन कंपनी ‘Cannabis Sommelier’ शोधत आहे. या पदासाठी कंपनी 88 लाख रुपये पगार देण्यास तयार आहे.

शिवाय, आम्हाला 16 फेब्रुवारी 2023 रोजी एबीपी न्यूजच्या अधिकृत फेसबुक हँडलवर शेअर केलेली पोस्ट आढळली. त्यात व्हायरल ग्राफिक्स आहेत. पोस्टनुसार, “एका जर्मन कंपनीने गांजा ओढणाऱ्यांसाठी नोकरी उघडली आहे. यासाठी ठेवलेला पगार तुमची शुद्ध उडवू शकतो. या कामासाठी कंपनी 88 लाख रुपयांपर्यंतची रक्कम देण्यास तयार आहे. कॅनॅमेडिकलला त्यांच्या गांजाच्या उत्पादनांचा आस्वाद घेणाऱ्या एखाद्याची गरज आहे.”

Fact Check: यूपी सरकारने गांजा ओढणाऱ्यांसाठी व्हेकेन्सी काढली आहे का? येथे सत्य वाचा
Courtesy: ABP

तपासादरम्यान, आम्हाला 15 फेब्रुवारी 2023 रोजी ‘आज तक’ वर प्रकाशित झालेला रिपोर्ट सापडला. यामध्ये ‘द सन’चा हवाला देत एका जर्मन कंपनीला ‘प्रोफेशनल स्मोकर्स’ची गरज असल्याचे लिहिले आहे. कंपनी गांजा हे औषध म्हणून विकते आणि यासाठी ते अशा लोकांचा शोध घेत आहे जे वास घेऊन त्यांच्या उत्पादनाची गुणवत्ता तपासू शकतात, तो गांजा ओढून दर्जा तपासू शकतात. यासाठी कंपनी 88 लाख रुपये पगार (वार्षिक) देण्यास तयार आहे.

शिवाय, आम्ही Cannamedical चे संकेतस्थळ देखील पाहिले. तेथे दिलेल्या माहितीनुसार, कंपनीने व्यावसायिक धूम्रपान करणाऱ्या व्यक्तीसाठी जाहिरात काढली होती. तथापि, कंपनीने लिहिले की अर्जांच्या मोठ्या संख्येमुळे, कंपनी सध्या कॅनॅबिस सोमेलियर पदासाठी कोणतेही अधिक अर्ज स्वीकारण्यास असमर्थ आहे.

Fact Check: यूपी सरकारने गांजा ओढणाऱ्यांसाठी व्हेकेन्सी काढली आहे का? येथे सत्य वाचा
Courtesy: CANNAMEDICAL

Conclusion

अशा प्रकारे, आमच्या तपासणीत हे स्पष्ट झाले आहे की जर्मन कंपनीने व्यावसायिक धूम्रपान करणार्‍या पदासाठीच्या नोकरीची काढलेली जाहिरात यूपी सरकारशी जोडून खोटा दावा केला गेला आहे.

Result: False

Our Sources


Report Published by ‘ABP UNCUT‘ on February 7, 2023

Report Published by ‘ABP News‘ on February 16, 2023

Report Published by AAJ TAK on February 16, 2023

Report Published by ‘The Sun on February 16, 2023

CANNIMEDICAL Website


कोणत्याही संशयास्पद बातम्या तपासण्यासाठी, दुरुस्त्या किंवा इतर सूचनांसाठी आम्हाला व्हाट्सएप करा: 9999499044 किंवा ई-मेल करा: checkthis@newschecker.in

LEAVE A REPLY

Please enter your comment!
Please enter your name here

Most Popular