Weekly Wrap: بادل پھٹنے، فتح پور سانحہ و راہل گاندھی ووٹر ادھیکار یاترا سے متعلق پانچ مختصر فیکٹ چیک یہاں پڑھیں

سوشل میڈیا پر اس ہفتے گلی میں بادل پھٹنے و فتح پور درگاہ میں توڑ پھوڑ سے متعلق فرضی دعوے شیئر کئے گئے۔ اس کے علاوہ راہل گاندھی کی بہار میں جاری ووٹر ادھیکار یاترا کا بتاکر غیر متعلقہ ویڈیوز بھی شیئر کی گئیں۔ جن سے متعلق پانچ مختصر فیکٹ چیک یہاں پڑھیں۔

کیا بھارت کی ایک گلی میں اچانک بادل پھٹنے کی ہے یہ ویڈیو؟

ایک گلی میں اچانک آسمان سے بھاری مقدار میں پانی گرنے کی ایک ویڈیو کے ساتھ دعویٰ کیا گیا کہ یہ بھارت میں اچانک بادل پھٹنے کا منظر ہے۔ لیکن ہماری تحقیقات میں ویڈیو اے آئی سے تیارکردہ ثابت ہوا۔ پوری پڑتال یہاں پڑھیں۔

کیا ممبئی ایئر پورٹ کے رن وے پر لگے پانی کی ہے یہ ویڈیو؟

ایئر پورٹ کے رن وے پر لگے پانی کی ایک ویڈیو کے ساتھ دعویٰ کیا گیا کہ یہ منظر ممبئی ایئر پورٹ کا ہے جہاں تیز بارش کے باعث رن وے جھیل میں تبدیل ہوگیا ہے۔ لیکن تحقیقات سے معلوم ہوا کہ یہ ویڈیو پرانی ہے اور چنئی کی ہے۔ پوری تحقیقات پڑھنے کے لئے یہاں کلک کریں۔

کیا بہار میں راہل گاندھی کی ووٹر ادھیکار یاترا کی ہے یہ ویڈیو؟

سوشل میڈیا پر ایک سڑک ریلی کی ویڈیو کے ساتھ دعویٰ کیا گیا کہ یہ منظر بہار میں جاری راہل گاندھی کی ووٹر ادھیکار یاترا کے پہلے دن کا ہے۔ لیکن ہماری تحقیقات میں معلوم ہوا کہ یہ ویڈیو پرانی اور کرناٹک کے رائچور میں ہوئی بھارت جوڑو یاترا کی ہے۔ پورا فیکٹ چیک یہاں پڑھیں۔

کیا فتح پور درگاہ پر حملہ کرنے والے ملزم کی ہے یہ ویڈیو؟

پولس گرفت میں نظر آرہے ایک شخص کی ویڈیو کے ساتھ دعویٰ کیا گیا کہ یہ وہی شخص ہے، جس نے اترپردیش کے فتح پور میں واقع عبدالصمد کی درگاہ پر توڑپھوڑ کی تھی۔ لیکن ہماری تحقیقات سے معلوم ہوا کہ ویڈیو میں نظر آنے والا شخص سورت کا ہے اور اس پر قتل کا الزام ہے۔ مکمل فیکٹ چیک پڑھنے کےلئے لنک کلک کریں۔

کیا کے بی سی میں صوفیہ قریشی و دیگر خاتون افسران سے پاکستانی فوج سے متعلق کیا گیا سوال؟

سوشل میڈیا پر کے بی سی کی ایک ویڈیو شیئرکی گئی۔ جس میں کرنل صوفیہ قریشی، ونگ کمانڈر وومیکا سنگھ اور کمانڈر پریرنا نظر آرہی ہیں۔ دعویٰ ہے کہ کے بی سی میں امیتابھ بچن نے پاکستانی فوج اور رافیل سے متعلق ایک سوال کیا تھا، جس میں ویومیکا سنگھ نے پاکستانی فضائیہ کے سامنے ہونے کے باعث رافیل کے تباہ ہونے کی بات قبول کی ہے۔ تحقیقات سے معلوم ہوا ویڈیو ترمیم شدہ ہے۔ مکمل فیکٹ چیک یہاں پڑھیں۔

About Us

Weekly Wrap: بادل پھٹنے، فتح پور درگاہ تنازعہ و راہل گاندھی ووٹر ادھیکار یاترا سے متعلق پانچ مختصر فیکٹ چیک یہاں پڑھیں

کیا بھارت کی ایک گلی میں اچانک بادل پھٹنے کی ہے یہ ویڈیو؟

کیا ممبئی ایئر پورٹ کے رن وے پر لگے پانی کی ہے یہ ویڈیو؟

کیا بہار میں راہل گاندھی کی ووٹر ادھیکار یاترا کی ہے یہ ویڈیو؟

کیا فتح پور درگاہ پر حملہ کرنے والے ملزم کی ہے یہ ویڈیو؟

کیا کے بی سی میں صوفیہ قریشی و دیگر خاتون افسران سے پاکستانی فوج سے متعلق کیا گیا سوال؟