Weekly Wrap: جموں و کشمیر، طالبان اور کابل ڈرون حملے کی گمراہ کن ویڈیوز کی حقیقت یہاں پڑھیں

اس ہفتے سوشل میڈیا پر جموں و کشمیر کے راجوری میں ایس او جی کی گاڑی پر حملے، اجیت ڈوول کے طالبان سے متعلق بیانات، طالبان کے ذریعے پاکستانی لڑاکا طیارہ مار گرائے جانے اور پاکستان کے کابل پر ڈرون حملے جیسے فرضی دعوؤں کے ساتھ مختلف ویڈیوز و تصاویر شیئر کی گئیں۔ درج ذیل میں ان 4 دعووں سے متعلق مختصر فیکٹ چیک یہاں پڑھیں۔

کیا حالیہ پاکستان-افغانستان تنازعہ سے متعلق ہے یہ ویڈیو؟

سوشل میڈیا پر ایک حملے کی ویڈیو کے ساتھ دعویٰ کیا گیا کہ یہ منظر افغانستان کے کابل پر پاکستان کی جانب سے کئے گئے ڈرون حملے کا ہے، لیکن تحقیق سے پتہ چلا کہ یہ ویڈیو اکتوبر 2023 سے انٹرنیٹ پر موجود ہے۔ پورا فیکٹ چیک پڑھنے کئے لئے لنک کلک کریں۔

کیا یہ ویڈیو واقعی پاکستان-افغانستان جھڑپ میں پاکستانی جنگی طیارہ مار گرائے جانے کی ہے؟

سوشل میڈیا پر طیارہ حادثے کی ایک ویڈیو کے ساتھ دعویٰ کیا گیا کہ طالبان نے حالیہ پاکستان-افغانستان سرحدی جھڑپ میں پاکستانی جنگی طیارہ مار گرایا۔ تاہم، ویڈیو پرانی ہے اور اصل میں بھارت کے راجستھان میں جولائی 2022 میں ہوئے مگ-21 طیارہ حادثے کی ہے، مکمل فیکٹ چیک یہاں پڑھیں۔

کیا اجیت ڈوول نے واقعی طالبان کو اپنی حکمتِ عملی کے تحت استعمال کرنے کا دعویٰ کیا؟

سوشل میڈیا پر ایک ویڈیو کے ساتھ دعویٰ کیا گیا کہ بھارت کے قومی سلامتی کے مشیر اجیت ڈوول نے کہا کہ طالبان کو اپنی حکمتِ عملی کے مطابق استعمال کیا جائے گا۔ تحقیق سے پتا چلا ہے کہ یہ ویڈیو دراصل 2014 کے ایک عوامی تجزیاتی لیکچر کا حصہ ہے، جب اجیت ڈوول قومی سلامتی کے مشیر کے عہدے پر فائز نہیں تھے، اس لئے یہ دعویٰ گمراہ کن ہے۔ پوری تحقیقات یہاں پڑھیں۔

کیا واقعی راجوری میں ایس او جی کی گاڑی پر حملے میں کئی فوجی ہلاک ہوئے؟

سوشل میڈیا پر اس ہفتے یہ خبر گردش کی کہ جموں و کشمیر کے راجوری علاقے میں بھارتی فوج کی اسپیشل آپریشنز گروپ (ایس او جی) پر حملہ ہوا ہے اور کئی فوجی اہلکار ہلاک ہوئے ہیں۔ تاہم، یہ دعویٰ گمراہ کن ہے۔ تحقیق سے معلوم ہوا ہے کہ اس خبر کے ساتھ استعمال کی جانے والی تصاویر پرانی اور غیر متعلقہ ہیں، جن کا حالیہ کسی واقعے سے کوئی تعلق نہیں اور نا ہی ایسے کسی حملے کی خبر کسی مستند میڈیا ہاؤس نے شائع کی ہے۔ مکمل فیکٹ چیک یہاں پڑھیں۔