Weekly Wrap: سوشل میڈیا پر اویسی، مودی، نتیش کمار اور بنگلورو حادثے سے متعلق فرضی دعوے کی حقیقت یہاں پڑھیں

بیرسٹر اسد الدین اویسی کے “آئی لو محمدؐ” والا فریم لینے سے انکار کی ویڈیو کو گمراہ کن دعوے کے ساتھ شیئر کیا گیا۔ اسی طرح وزیر اعظم مودی کی پاکستانی آرمی چیف سے منسوب کر کے ایک ترمیم شدہ ویڈیو شیئر کی گئی۔ نتیش کمار اور سمراٹ چودھری کی بھی ترمیم شدہ ویڈیو شیئر کی گئی۔ اس کے علاوہ بنگلورو میں بی ایس ایف پر حملے کی وائرل ویڈیو بھی دراصل جے پور-اجمیر شاہراہ پر گیس سلنڈر سے بھرا ٹرک پھٹنے کے حادثے کی ہے اور اسے غلط دعوے کے ساتھ شیئر کیا گیا۔ درج ذیل میں 5 مختصر فیکٹ چیک یہاں پڑھیں۔

اسد الدین اویسی نے “آئی لو محمدؐ” والا فریم لینے سے انکار کیوں کیا؟

بیرسٹر اسد الدین اویسی کی ایک ویڈیو سوشل میڈیا پر وائرل ہوئی ،جس میں وہ “آئی لو محمدؐ” والا فریم لینے سے انکار کرتے ہوئے دکھائی دے رہے ہیں۔ تحقیقات سے پتہ چلا کہ اس فریم میں اویسی کی اپنی تصویر مقدس مقام گنبد خضراء کے ساتھ شامل تھی، اور وہ احتراماً فریم لینے سے گریز کر رہے تھے۔ واضح طور پر یہ انکار فریم کے پیغام سے اختلاف کی وجہ سے نہیں بلکہ مذہبی مقام کے ساتھ ذاتی تصویر کو جوڑنے کی حساسیت کی وجہ سے تھا۔ مکمل فیکٹ چیک یہاں پڑھیں۔

کیا وائرل ویڈیو میں وزیر اعظم مودی نے پاکستانی آرمی چیف کو بدلے کی آگ میں جلنے کا اعتراف کیا؟

سوشل میڈیا پر اس ہفتے ایک ویڈیو وائرل ہوا جس میں دعویٰ کیا جا رہا ہے کہ وزیر اعظم نریندر مودی نے پاکستانی آرمی چیف کو اصل ٹارگٹ بتاتے ہوئے بدلے کی آگ میں جلنے کا اعتراف کیا، لیکن حقیقت یہ ہے کہ یہ ویڈیو ترمیم شدہ ہے اور وزیر اعظم مودی نے ایسا کوئی بیان کبھی نہیں دیا۔ یہ من گھڑت ویڈیو غلط تاثر پھیلانے کے لئے ایڈیٹ کی گئی تھی۔ پوری حقیقت یہاں پڑھیں۔

کیا “ووٹ چور، گدی چھوڑ” کے نعرے نتیش کمار اور سمراٹ چودھری کے سامنے لگائے گئے؟

سوشل میڈیا پر یہ دعویٰ کیا جا رہا ہے کہ نتیش کمار اور سمراٹ چودھری کے سامنے لوگوں نے ”ووٹ چور، گدی چھوڑ” کے نعرے لگائے گئے، تاہم حقیقت اس کے برعکس ہے۔ تحقیق سے واضح ہوا ہے کہ وائرل ویڈیو میں آواز چھیڑ چھاڑ کر شامل کی گئی ہے، جبکہ اصل ویڈیو میں ایسے نعرے بالکل سنائی نہیں دیتے۔ یہ ویڈیو ایڈیٹ کر کے غلط تاثر پیدا کرنے کے لئے سوشل میڈیا پر پھیلائی گئی۔ پوری حقیقت یہاں پڑھیں۔

کیا سوشل میڈیا پر وائرل ویڈیو بی ایس ایف پر بنگلورو حملے کی ہے؟

سوشل میڈیا پر گردش کرنے والی ایک ویڈیو کے بارے میں دعویٰ کیا گیا کہ بنگلورو میں بی ایس ایف (بارڈر سیکورٹی فورس) پر حملہ ہوا ہے جس میں لاتعداد فوجی ہلاک ہو گئے، تاہم حقیقت اس کے برعکس ہے۔ دراصل یہ ویڈیو کسی دہشت گرد حملے کی نہیں بلکہ جے پور-اجمیر شاہراہ پر پیش آئے ایک حادثے کی ہے، جہاں گیس سلنڈر سے بھرا ایک ٹرک دھماکے سے پھٹ گیا تھا۔ حادثے کے باعث شدید آگ بھڑک اٹھی جس کے مناظر کو غلط دعوؤں کے ساتھ سوشل میڈیا پر پھیلایا گیا۔ یہاں پڑھیں پوری حقیقت۔

کیا غزہ میں حالیہ امدادی عملے و عوام کے جشن کی ہے یہ ویڈیو؟

غزہ میں حالیہ جنگ بندی کے اعلان کے بعد فلسطینی پیرا میڈیکس اور عام شہریوں کے جشن منانے کی ایک ویڈیو سوشل میڈیا پر شیئر کی گئی۔ تحقیقات سے معلوم ہوا کہ یہ ویڈیو 19 جنوری 2025 سے مختلف پلیٹ فارمز پر گردش کر رہی ہے۔ مکمل حقیقت یہاں پڑھیں۔