Weekly Wrap: اس ہفتے جنرل دویدی، جے ایس ڈھلّون، اے پی سنگھ اور ایتھوپیا آتش فشاں سے منسوب وائرل دعوؤں پر مبنی 5 مختصر فیکٹ چیک ملاحظہ کریں

اس ہفتے پاکستانی سوشل میڈیا ہینڈلز پر متعدد وائرل ویڈیوز اور کلپس کے ذریعے گمراہ کن دعوے پھیلائے گئے۔ ان میں جنرل اوپیندر دویدی کے اروناچل پردیش کے حوالے سے مبینہ بیان، ریٹائرڈ لیفٹیننٹ جنرل جے ایس ڈھلّون کی راہل گاندھی کی حمایت سے منسوب ویڈیو، ایئر چیف مارشل اے پی سنگھ کی تیجس طیارے پر مبینہ تنقید، اور ایتھوپیا کے آتش فشاں سے منسوب وائرل ویڈیو شامل ہیں۔ ان تمام دعووں کی حقیقت جاننے کے لئے پانچ مختصر فیکٹ چیک یہاں دستیاب ہیں۔

کیا ویڈیو میں نظر آ رہے لیفٹیننٹ جنرل نے راہل گاندھی کی حمایت کا کیا اعلان؟

سوشل میڈیا پر ایک ویڈیو میں یہ دعویٰ کیا گیا تھا کہ لیفٹیننٹ جنرل وی کے سنگھ نے تیجس حادثے کے بعد راہل گاندھی کی حمایت کا اعلان کیا ہے۔ تحقیق سے واضح ہوا کہ یہ دعویٰ درست نہیں ہے، کیونکہ ویڈیو میں نظر آنے والے شخص دراصل ریٹائرڈ لیفٹیننٹ جنرل کے جے ایس ڈھلّون ہیں۔ اس طرح یہ ویڈیو ڈیپ فیک ثابت ہوئی۔ پوری حقیقت یہاں پڑھیں۔

کیا ایئر مارشل امر پریت سنگھ کا تیجس حادثے سے منسوب وائرل خط واقعی اصلی ہے؟

اس ہفتے دبئی ایئر شو کے بعد سوشل میڈیا پر ایک خط خوب شیئر کیا گیا، جسے بھارتی ایئر مارشل کا دستخط شدہ بتایا گیا اور دعویٰ کیا گیا کہ اس میں تیجس لڑاکا طیارے کو ناقص اور ناقابلِ بھروسہ قرار دیا گیا ہے۔ تاہم تحقیق سے معلوم ہوا کہ یہ خط من گھڑت ہے۔ بھارتی فضائیہ کی جانب سے ایسے کسی بیان یا خط کی کوئی تصدیق موجود نہیں، جس سے واضح ہوتا ہے کہ وائرل خط حقیقی نہیں بلکہ جھوٹے دعوے پر مبنی ہے۔ مکمل فیکٹ چیک پڑھینے کےلئے لنک کلک کریں۔

کیا آتش فشاں پھٹنے کی وائرل ویڈیو واقعی ایتھوپیا کی ہے؟

سوشل میڈیا پر ایک ویڈیو کو ایتھوپیا میں آتش فشاں پھٹنے کا منظر بتا کر شیئر کیا گیا، تاہم جانچ میں یہ دعویٰ غلط ثابت ہوا۔ تحقیق سے معلوم ہوا کہ ویڈیو ایتھوپیا کی نہیں بلکہ ہَوائی کے کلاؤیا آتش فشاں کے پھٹنے کی ہے، جسے غلط دعوے کے ساتھ پھیلایا گیا تھا۔ پوری حقیقت یہاں پڑھیں۔

کیا جنرل اوپیندر دویدی نے واقعی اروناچل پردیش چین کے حوالے کرنے کی بات کی؟

سوشل میڈیا پر جنرل اوپیندر دویدی کا ایک ویڈیو کلپ گردش میں رہا، جس کے ساتھ دعویٰ کیا گیا کہ انہوں نے اروناچل پردیش کو چین کے حوالے کرنے کا بیان دیا ہے۔ تاہم جانچ میں یہ دعویٰ غلط ثابت ہوا۔ تحقیق سے معلوم ہوا کہ وائرل کلپ ڈیپ فیک ہے، جس میں جنرل دویدی کی اصل آواز اور بیان کو بدل کر گمراہ کن تاثر پیدا کیا گیا تھا۔ پورا فیکٹ چیک یہاں پڑھیں۔

کیا اے پی سنگھ کی تیجس پر مبینہ تنقید والی ویڈیو اصلی ہے؟

پاکستانی سوشل میڈیا پر ایک ویڈیو تیزی سے وائرل ہوئی، جسے تیجس حادثے سے جوڑ کر دعویٰ کیا گیا کہ ایئر چیف مارشل اے پی سنگھ نے پریس بریفنگ میں بھارتی فضائیہ کے تیجس لڑاکا طیارے پر سخت تنقید کی۔ تحقیق اور جانچ سے واضح ہوا کہ یہ ویڈیو اصل نہیں بلکہ مصنوعی ذہانت سے تیار کردہ ہے، جس میں آڈیو بدل کر غلط تاثر پیدا کیا گیا۔ مزید تفصیلی فیکٹ چیک یہاں دستیاب ہے۔