Weekly Wrap: اس ہفتے طیارے حادثے اور ایشوریا رائے سے منسوب غلط دعووں پر مبنی 5 مختصر فیکٹ چیک ملاحظہ کریں

اس ہفتے سوشل میڈیا پر متعدد گمراہ کن دعوے بڑے پیمانے پر شیئر کئے گئے، جن میں چنئی میں تین فضائیہ طیاروں کے کریش ہونے کی جھوٹی خبر، ایشوریا رائے سے منسوب جعلی بیان، بندر کے ہاتھ بندوق چلانے والی اے آئی ویڈیو، دبئی ایئر شو میں تیجس طیارے سے تیل لیک ہونے کا غلط دعویٰ، اور بھارتی عمرہ زائرین کے بس حادثے کے نام پر پرانی آگ کی ویڈیو شامل رہی۔ ان تمام دعوؤں سے متعلق مختصر فیکٹ چیک درج ذیل میں پڑھیں۔

کیا چنّئی میں واقعی تین بھارتی ایئر فورس کے طیارے کریش ہوئے؟

سوشل میڈیا پر دعویٰ کیا گیا کہ چنئی میں بھارتی فضائیہ کے تین طیارے ایک ہی وقت میں کریش ہو گئے، مگر حقیقت یہ ہے کہ چنئی میں صرف ایک ٹرینر طیارہ حادثے کا شکار ہوا تھا، جبکہ گردش کرنے والی تصاویر اور ویڈیوز یا تو پرانی ہیں یا پھر مختلف مقامات کے واقعات سے جوڑ کر گمراہ کن طور پر پیش کی جا رہی ہیں۔ مکمل فیکٹ چیک یہاں پڑھیں۔

کیا ایشوریا رائے نے واقعی وزیرِ اعظم مودی سے بھارت-پاکستان فضائی جھڑپوں پر سوال کیا؟

سوشل میڈیا پر ایک ویڈیو کے ساتھ یہ دعویٰ پھیلایا گیا کہ ایشوریا رائے نے مئی 2025 میں پاکستان کے ساتھ تنازع کے دوران بھارت کے مبینہ نقصانات پر وزیرِ اعظم مودی سے سوال اٹھائے، جبکہ حقیقت یہ ہے کہ ایشوریا رائے نے ایسا کوئی بیان نہیں دیا اور وائرل ویڈیو مکمل طور پر جعلی اور ترمیم شدہ ہے۔ پورا فیکٹ چیک یہاں پڑھیں۔

بندر کے ہاتھ بندوق چلنے اور فوجی کے بھاگنے والی وائرل ویڈیو کی پوری حقیقت کیا ہے؟

سوشل میڈیا پر ایک ویڈیو کے ساتھ یہ دعویٰ کیا گیا کہ ایک بندر بندوق چلاتا ہے اور بھارتی فوجی خوفزدہ ہو کر بھاگ جاتا ہے، مگر حقیقت یہ ہے کہ یہ منظر اصل نہیں بلکہ اے آئی کی مدد سے تیار کیا گیا گمراہ کن ویڈیو ہے۔ مکمل فیکٹ چیک یہاں پڑھیں۔

کیا تیجس طیارے کے مبینہ تیل لیک ہونے کی خبر حقیقت پر مبنی ہے؟

دبئی ایئر شو 2025 کے دوران ایک ویڈیو وائرل ہوئی جس میں دعویٰ کیا گیا کہ بھارتی تیجس لڑاکا طیارے سے تیل لیک ہو رہا ہے، حالانکہ حقیقت یہ ہے کہ ویڈیو میں نظر آنے والا مادہ تیل نہیں بلکہ طیارے کے نظام سے خارج ہونے والا معمول کا پانی ہے۔ پوری حقیقت یہاں پڑھیں۔

کیا واقعی یہ ویڈیو مکہ سے مدینہ جاتے بھارتی عمرہ زائرین کی ہلاکت والے بس حادثے کی ہے؟

اس ہفتے سوشل میڈیا پر بھارتی عمرہ زائرین کے بس حادثے کے طور پر وائرل کی جانے والی ویڈیو دراصل پرانی ہے، اور یہ مکہ-مدینہ روٹ کی نہیں بلکہ أبھا کے عقبہ شعار میں تیل کے ٹینکر میں لگنے والی آگ کی ہے۔ مکمل فیکٹ جیک یہاں پڑھیں۔