Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
کرکٹ ورلڈ کپ 2023 کے فائنل میں بھارت کی آسٹریلیا سے شکست کے بعد پاکستانی سوشل میڈیا صارفین ایک ویڈیو شیئر کر رہے ہیں۔ جس میں پیلی جرسی میں ملبوس ایک شخص میدان میں پاکستانی پرچم لہراتے ہوئے اور پاکستان زندآباد کا نعرہ لگاتے ہوئے نظر آ رہا ہے۔ ویڈیو کے دوسرے فریم میں اسٹیڈیم میں بیٹھے مداح بھی نظر آرہے ہیں۔ ویڈیو کے حوالے سے ایک فیس بک صارف کا دعویٰ ہے کہ 20 نومبر کو آسٹریلیائی کھلاڑی نے بھارتی اسٹیڈیم میں پاکستان زندہ آباد کے نعرے لگائے۔
Fact
آسٹریلیائی کھلاڑی کے بھارتی اسٹیڈیم میں پاکستان زندہ آباد کے نعرے لگائے جانے کا بتا کر شیئر کی جا رہی ویڈیو کے ایک فریم کو ہم نے ریورس امیج سرچ کیا۔ جہاں ہمیں عامر علی نامی ایکس ہینڈل پر 17 اکتوبر 2023 کو شیئر شدہ ہوبہو ویڈیو ملی۔ جس سے پتاچلا کہ ویڈیو کا بھارت سے کوئی لینا دینا نہیں ہے۔
ہم نے ایکس ایڈوانس سرچ کی مدد سے وائرل ویڈیو کو تلاشا۔ جہاں ہمیں فرید خان نامی مستند ایکس ہینڈل پر ہوبہو ویڈیو ملی۔ جس کے ساتھ دی گئی معلومات سے واضح ہوا کہ ویڈیو میں پیلے رنگ کی جرسی میں ملبوس کھلاڑی پاکستانی فٹبال ٹیم کے کپتان یوسف بٹ ہیں جو پاکستان زندہ آباد کا نعرہ لگا رہے ہیں۔
پاکستانی نیوز ویب سائٹ جیو نیوز کے مطابق پاکستان نے گزشتہ ماہ کی 17 تاریخ کو فیفا ورلڈ کپ 2026 کے کوالیفائنگ راؤنڈ میں کمبوڈیا کو شکست دینے کے بعد پہلی کامیابی حاصل کی تھی۔ یہ میچ 17 اکتوبر کو پاکستان کے اسلام آباد جناح اسٹیڈیم میں ہوا تھا۔
اس طرح نیوز چیکر کی تحقیقات سے یہ ثابت ہوا کہ یہ ویڈیو آسٹریلیائی کھلاڑی کے بھارتی اسٹیڈیم میں پاکستان زندہ آباد کے نعرے لگائے جانے کی نہیں ہے بلکہ ویڈیو میں موجود کھلاڑی پاکستانی فٹبال ٹیم کے کپتان یوسف بٹ ہیں۔
Result: False
Sources
X posts by @AmirAli59809356 and @_FaridKhan on 17 Oct 2023
Report published by GeoNews on 17 Oct 2023
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
