Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
اس ہفتے سوشل میڈیا پر وائرل پوسٹ پر کئے گئے 5 اہم تحقیقاتی رپورٹ مختصراً درج ذیل کے سلائڈ میں پڑھ سکتے ہیں۔ جو اس ہفتے سوشل میڈیا پر صارفین نے کافی شیئر کیا تھا۔
کیا سچ میں وزیراعظم نریندر مودی نے پاکستان سے میج ہار نے بعد بھارتی ٹیم کو فون پر دی تسلیاں؟
گزشتہ دنوں 24 اکتوبر کو پاکستان سے بھارت کی شکست کے بعد سوشل میڈیا پر وزیراعظم نریندر مودی کا ویڈیو خوب شیئر کیا گیا۔ صارفین کا دعویٰ تھا کہ “بھارتی وزیر اعظم نریندر مودی پاکستان سے میچ ہار نے کے بعد اپنی کرکٹ ٹیم کو فون کال پر تسلیاں دے رہے ہیں۔ وہ ٹیم سے کہہ رہے کہ آپ لوگ رونا بند کریں مجھے آواز آ رہی ہے”۔ جبکہ سچائی یہ ہے کہ پی ایم مودی کا یہ ویڈیو پرانا ہے اور خاتون ہاکی کھلاڑیوں سے بات چیت کا ہے۔
کیا ٹی20 ورلڈ کپ میں پاکستان کی جیت کے بعد مقبوضہ کشمیر میں جشن کا ہے یہ وائرل ویڈیو؟
بھارتی کرکٹ ٹیم کی شکست کے بعد ملک کے گوشوں سے جشن کی خبر آنے لگی، جس کے بعد ایک ویڈیو مقبوضہ کشمیر میں پاکستان کی جیت پر جشن کا بتاکر خوب شیئر کیا گیا۔پاکستانی صحافی وسیم عباسینے ویڈیو شیئر کرتے ہوئے لکھا تھا کہ پاکستان کی تاریخی فتخ پر ہمارے کشمیری مسلمانوں نے مقبوضہ کشمیر میں جشن منایا، یہ رشتہ وفا کا ہے”۔ جبکہ ٹی20 ورلڈ کپ میں پاکستان کی جیت کے بعد مقبوضہ کشمیر میں جشن منانے کے حوالے سے وائرل ویڈیو کم از کم 4 سال پرانی ہے اور سری نگر میں چیمپئن ٹرافی2017 میں پاکستان کی جیت کے بعد منائے گئے جشن کی ہے۔
کیا وائرل ویڈیو عمان میں آئے شاہین طوفان کی ہے؟
اس ہفتے طوفان کا ایک ویڈیو خوب شیئر کیا گیا۔ اس ویڈیو سے متعلق صارفین کا دعویٰ تھا کہ یہ ویڈیو عمان میں آئے شاہین طوفان کی ہے۔ جس کی فوٹو گرافی دبئی کے برج خلیفہ سے کی گئی ہے”۔ تحقیقات سے پتا چلا کہ اس ویڈیو کو دو تصاویر کی مدد سے اینیمیشن کے ذریعے بنایا گیا ہے اور یہ تین سال پرانا ہے۔
کیا خانہ کعبہ میں یہودیوں نے کیا طواف؟
اس ہفتے مکہ مکرمہ سے متعلق ایک ویڈیو خوب شیئر کیا گیا۔صارفین کا دعویٰ تھا کہ خانہ کعبہ میں یہودی نے طواف کیا، یہ اس کی زندگی ہے اللہ اس پر رحم کرے”۔ جبکہ سچائی یہ ہے کہ خانہ کعبہ میں طواف کر رہے لوگوں والا ویڈیو پرانا ہے۔ یوٹیوب پر ملی جانکاری کے مطابق یہ لوگ صوفیت کو ماننے والے ترکش مسلم ہیں۔ بتادوں کہ حرمین شریفین میں غیر مسلموں کے داخلے پر سرکاری پابندی ہے۔
نومبر 2020 میں سمیر وانکھیڑے پر ہوئے حملے کو حالیہ کروز شپ معاملے کے بعد کا بتا کر کیا جا رہا شیئر
اس ہفتے این سی بی افسر سمیر وانکھیرے کے حوالے سے ایک پوسٹ خوب شیئر کیا گیا۔ جس میں دعویٰ کیا گیا کہ حالیہ کروز شپ معاملے کے بعد سمیر وانکھیڑے پر حملہ ہوا ہے۔ مزید لکھا ہے کہ منشیات فروش کو گرفتار کرتے وقت 60 افراد پر مشتمل ایک گروپ نے ان پر حملہ کر دیا۔ جبکہ سچائی یہ تھی کہ حال کے دنوں میں اس طرح کا واقعہ پیش نہیں آیا ہے، بلکہ یہ معاملہ 2020 کا ہے۔
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
