Weekly Wrap: غزہ، بھارت پاکستان تنازعہ و دیگر موضوع پر 5 مختصر فیکٹ چیک یہاں پڑھیں

سوشل میڈیا پر اس ہفتے غزہ میں چین کی جانب سے کی گئی انسانی خوراک کی امداد، مسلمان شخص کو سر راہ زد و کوب کرنے اور مسلمان لڑکی کا اپنے سگے سسر سے مبینہ طور پر حلالہ کرانے کا بتاکر ویڈیو اور تصاویر فرضی دعوے کے ساتھ شیئر کی گئیں۔ جن سے متعلق 5 مختصر فیکٹ چیک درج ذیل میں پڑھیں۔

کیا غزہ میں کارگو طیارے کے ذریعے چین کی جانب سے کھانے کی اشیاء پہنچانے کی ہے یہ ویڈیو؟

سوشل میڈیا پر ایک ویڈیو کے حوالے سے دعویٰ کیا گیا کہ چین کی جانب سے غزہ میں کارگو طیارے کے ذریعے کھانے کی اشیاء پہنچائی گئی ہے۔ جبکہ ہماری تحقیقات سے معلوم ہوا کہ ویڈیو مصر اور چین کے مابین ہوئی مشترکہ فضائی مشق کا ہے۔ پورا فیکٹ چیک یہاں پڑھیں۔

کیا مسلم شخص پر کئے جارہے تشدد کی یہ ویڈیو حالیہ دنوں کی ہے؟

مسلمان شخص پر کئے جا رہے تشدد کی ایک ویڈیو کو بھارت اور پاکستان تنازعہ کے علاوہ مذہبی رنگ دے کر شیئر کیا گیا ۔ لیکن ہماری تحقیقات سے معلوم ہوا ویڈیو پرانی ہے اور نابالغ لڑکی کے ساتھ چھیڑخانی کا معاملہ ہے۔ پورا فیکٹ چیک پڑھنے کے لئے یہاں کلک کریں۔

کیا بھارتی جنگی طیارہ حادثے کی یہ ویڈیو حالیہ بھارت-پاکستان تنازعہ کی ہے؟

فیس بک پر حالیہ بھارت-پاکستان تنازعہ سے منسوب کرکے ایک جنگی طیارہ حادثے کی ویڈیو شیئر کی گئی اور دعویٰ کیا گیا کہ یہ حالہ دنوں بھارتی رافیل طیارہ کے حادثے کی ہے۔ جبکہ ہم نے اس کی تحقیقات کی تو معلوم ہوا تقریباً 7 ماہ پرانی ہے۔ مکمل فیکٹ چیک یہاں پڑھیں۔

سسر کے ساتھ مبینہ طور پر حلالہ کرانے کا بتاکر شیئر کی گئی اس ویڈیو کی کیا ہے پوری حقیقت؟

فیس بک اور ایکس پر ایک برقعہ پوش خاتون کی بوڑھے شخص کے ساتھ فلمائی گئی ویڈیو کے ساتھ دعویٰ کیا گیا کہ مسلم بہو نے خسر سے مبیہ طور پر حلالہ کرلیا ہے۔ تحقیقات کے دوران ملی جانکاری کے مطابق ویڈیو اسکرپٹیڈ ہے اور اس کا حقیقت سے کوئی واسطہ نہیں ہے۔ پورا فیکٹ چیک پڑھنے کےلئے یہاں لنک کلک کریں۔

کیا ریپبلک ٹی وی کے اینکر ارنب گوسوامی کو پاکستان پر قبضے کی فرضی خبر چلانے پر کیا گیا گرفتار؟

ریپبلک ٹی وی کے اینکر ارنب گوسوامی کو پولس کی گاڑی میں بیٹھا کر لےجانے کی ایک ویڈیو کے ساتھ دعویٰ کیا گیا کہ انہوں نے اپنے ٹی وی چینل ریپبلک بھارت پر پاکستان پر قبضے کی جھوئی خبریں چلائی تھیں، جس کے باعث انہیں گرفتار کرلیا گیا ہے۔ جبکہ تحقیقات سے معلوم ہوا کہ گرفتاری کی یہ ویڈیو نومبر 2020 کی ہے، بھارت-پاکستان تنازعہ سے اس ویڈیو کا کوئی تعلق نہیں ہے۔ یہاں لنک کلک کرکے پڑھیں مکمل فیکٹ چیک۔