Weekly Wrap: ایران پر امریکا کے حملے و دیگر موضوع پر 5 مختصر فیکٹ چیک یہاں پڑھیں

سوشل میڈیا پر اس ہفتے ایران پر امریکا کی جانب سے بی2 بمبار حملے و ایران کا عراق اور قطر میں موجود امریکی فوجی ایئربیس پر کئے گئے حملے سے جوڑ کر کئی ویڈیوز اور تصاویر فرضی دعوے کے ساتھ شیئر کی گئیں۔ اس کے علاوہ سعودی عرب میں شراب سے پابندی ہٹانے و دیگر موضوع سے متعلق کئی فرضی دعوے شیئر کئے گئے۔ جن سے متعلق 5 مختصر فیکٹ چیک درج ذیل میں پڑھیں۔

کیا ایران نے امریکی بی 2 بمبار کو کیا تباہ؟

سوشل میڈیا پر تباہ شدہ طیارے کی ایک تصویر کے ساتھ دعویٰ کیا گیا کہ یہ منظر ایران کی جانب سے امریکی بی 2 بمبار کو مار گرانے کا ہے۔ جبکہ تحقیقات سے معلوم ہوا کہ یہ تصویر مصوعی ذہانت کی مدد سے تیار کی گئی ہے۔ پورا فیکٹ چیک یہاں پڑھیں۔

کیا سعودی عرب میں ہٹائی جا رہی ہے شراب سے پابندی؟

سوشل میڈیا پر ایک پوسٹ میں دعویٰ کیا گیا کہ سعودی عرب سیاحت میں اصلاحات کے لئے 600 مقامات پر شراب پر پابندی ختم کرنے کی تیاری کر رہا ہے۔ جبکہ تحقیقات میں یہ دعویٰ بےبنیاد ثابت ہوا۔ پورا فیکٹ چیک پڑھنے کے لئے یہاں کلک کریں۔

کیا ایران کے حملے کے بعد قطرکے لوگوں کے سعودی عرب جانے کی ہے یہ ویڈیو؟

سڑک پر گاڑیوں کی قطار کی ایک ویڈیو کے ساتھ دعویٰ کیا گیا کہ امریکی بمباری کے جواب میں ایران کی جانب سے قطر میں امریکی فوجی ایئربیس پرحملے کے بعد لوگ قطر سے سعودی عرب پناہ لینے جا رہے ہیں۔ جبکہ ہماری تحقیقات سے معلوم ہوا ویڈیو پرانی ہے۔ پورا فیکٹ چیک یہاں پڑھیں۔

کیا اسرائیل میں مقیم بھارتی شہریوں کو بنکر سے نکالے جانے کی ہے یہ ویڈیو؟

سوشل میڈیا پر اسرائیل میں مقیم بھارتی شہریوں کو بنکرز سے نکالے جانے کا بتاکر ایک ویڈیو شیئر کی گئی۔ ہم نے جب اس کی باریکی سے تحقیقات کی تو معلوم ہوا ویڈیو کا پہلا حصہ ٹیکساس میں 58 سالہ ایسمرلڈا اپٹن نامی خاتون کی جانب سے چار بھارتی نژاد امریکی خواتین کو نسلی ذیادتی کا نشانہ بنانے کا ہے اور ویڈیو کا دوسرا حصہ یروشلم کا ہے۔ پورا فیکٹ چیک یہاں پڑھیں۔

کیا ایرانی حملے میں ہلاک ہوئی بہن کی خفیہ تدفین میں اسرائیلی وزیر اعظم نیتن یاہو کے شامل ہونے کی ہے یہ تصویر؟

اہلیہ سارہ کے ساتھ قبر کے سامنے کھڑے اسرائیلی وزیر اعظم نیتن یاہو کی ایک تصویر کے ساتھ دعوی کیا گیا کہ ان کی یہ تصویر اپنی بہن کی خفیہ تدفین میں شامل ہونے کی ہے جو ایرانی حملے میں ہلاک ہوگئی تھیں۔ جبکہ ہماری تحقیقات سے یہ معلوم ہوا تصویر 2022 کی ہے جہاں بنیامن نیتن یاہو اپنے مرحوم بھائی جوناتھن کی قبر کے سامنے کھڑے ہیں۔ مکمل فیکٹ چیک یہاں پڑھیں۔