Sunday, June 23, 2024
Sunday, June 23, 2024

HomeFact Checkबेकिंग सोडा कर्करोगावर उपचार करू शकतो?व्हायरल दाव्याचे सत्य येथे वाचा

बेकिंग सोडा कर्करोगावर उपचार करू शकतो?व्हायरल दाव्याचे सत्य येथे वाचा

Claim

बेकिंग सोडा खाल्ल्याने कॅन्सर पूर्णपणे बरा होऊ शकतो,असा दावा करीत सोशल मीडिया आणि व्हॉट्सअपवर एक पोस्ट शेअर करण्यात आली आहे.या दाव्यावर शिक्कामोर्तब करत टाटा मेमोरियलचे डॉ. राजेंद्र ए. बर्वे यांनी हे फॉरवर्ड करण्यास सांगितले असल्याचेही पोस्टमध्ये म्हटले आहे.

Courtesy:Janpatra.in

Fact

दाव्याची सत्यता जाणून घेण्यासाठी आम्ही ही पोस्ट पूर्णपणे वाचली.यानंतर आम्ही टाटा मेमोरियलचे डॉ.राजेंद्र बडवे यांच्याशी संपर्क साधला.त्यांचे सचिव अनिल म्हणाले,“हा दावा खोटा आहे.डॉ. राजेंद्र यांनी अशा कोणत्याही दाव्याचे समर्थन केलेले नाही.”याशिवाय जॉन होपिंग युनिव्हर्सिटीच्या कॅन्सर तज्ज्ञ डॉ ची व्हॅन डांग यांच्या संशोधनाचाही या पोस्टमध्ये उल्लेख आहे.आम्ही त्याच्याशी संपर्क साधण्याचा प्रयत्न करत आहोत.त्यांनी प्रतिसाद दिल्यावर लेख अपडेट केला जाईल.

यानंतर आम्ही काही कीवर्डच्या मदतीने गुगलवर सर्च केले.नॅशनल लायब्ररी ऑफ मेडिसिनच्या वेबसाइटवर आम्हाला एक जर्नल सापडले.त्यांच्या मते,कॅन्सरच्या पेशी अम्लीय वातावरणात वाढतात,त्यामुळे बेकिंग सोडाच्या अल्कधर्मी स्वभावामुळे त्याचे अम्लीय प्रमाण कमी होऊ शकते.तथापि,याचा कोणताही ठोस वैज्ञानिक पुरावा अद्याप उपलब्ध नाही.यासाठी व्यापक संशोधन आणि चाचणी आवश्यक आहे.याशिवाय,अमेरिकन मेडिकल वेबसाइट हेल्थलाइनमध्ये प्रकाशित झालेल्या लेखानुसार,बेकिंग सोडा कर्करोगाच्या पेशींची वाढ थांबवू शकत नाही आणि कर्करोगाच्या उपचारात त्याचा वापर करणे योग्य नाही.

Courtesy:Healthline

तपासादरम्यान,आम्हाला कँसर रिसर्च चे एक संशोधन आढळले,त्यानुसार, 2009 मध्ये संशोधकांनी कर्करोगग्रस्त उंदरांना बायकार्बोनेटचे इंजेक्शन देऊन हा प्रयोग केला होता.यामुळे उंदरांमध्ये कॅन्सरमुळे होणारी आम्लपित्त कमी झाली,पण एकूणच हा आजार पूर्णपणे बरा होऊ शकला नाही.

याशिवाय बीबीसीने 2017 मध्ये प्रकाशित केलेला एक रिपोर्ट सापडला.त्यात ब्रिटीश आर्मी ऑफिसर नयना हैदरबद्दल माहिती आहे,तिच्या ब्रेस्ट कॅन्सरवर बेकिंग सोडाच्या मदतीने कसा उपचार केला गेला.पण त्यांची तब्येत सतत खालावत गेली आणि वयाच्या २७ व्या वर्षी त्यांचे निधन झाले.

Screenshot/BBC

आम्ही तुम्हाला सांगतो,प्रत्येक घरात सहज उपलब्ध असणारा बेकिंग सोडा सोडियम बायकार्बोनेट म्हणून ओळखला जातो.विविध पदार्थांमध्ये याचा वापर केला जातो.तसेच,त्यात बॅक्टेरियाच्या वाढीस प्रतिबंध करणारे घटक आणि अँटीसेप्टिक गुणधर्मांमुळे तो त्वचेसाठी देखील फायदेशीर आहे.

अशाप्रकारे,बेकिंग सोड्याने कर्करोग बरा करण्याचा दावा करणारी ही पोस्ट खोटी असल्याचे आमच्या तपासणीत स्पष्ट झाले आहे.

Result:False

तुम्हाला ही वस्तुस्थिती तपासणी आवडली असेल आणि तुम्हाला अशा आणखी तथ्य तपासण्या वाचायच्या असतील तर येथे क्लिक करा.


कोणत्याही संशयास्पद बातम्या तपासण्यासाठी,दुरुस्त्या किंवा इतर सूचनांसाठी आम्हाला व्हाट्सएप करा:9999499044 किंवा ई-मेल करा:checkthis@newschecker.in

LEAVE A REPLY

Please enter your comment!
Please enter your name here

Most Popular