Yearly Archives: 2022

आढळले ज्यामध्ये याचिकाकर्त्याने अन्नात थुंकल्याशिवाय ‘हलाल’ पूर्ण होत नाही असा दावा केला होता.सबरीमाला कृती समितीचे महासंयोजक एसजेआर कुमार यांनी केरळ उच्च न्यायालयात केस दाखल केली होती,ज्यांनी शबरीमाला मंदिराची देखरेख करणार्‍या त्रावणकोर देवस्वोम बोर्ड (TDB) वर आक्षेप घेतला होता,या बोर्डाने नैवेद्य आणि प्रसादम तयार करण्यासाठी हलाल-प्रमाणित गुळाचा वापर केला होता.

लहान वयात केस पांढरे होणे ही आता सामान्य बाब झाली आहे. बाजारात अशी अनेक औषधे आणि घरगुती उपाय उपलब्ध आहेत जे या समस्येपासून मुक्ती मिळवण्याचा दावा करतात. या दरम्यान सोशल मीडियावर एक व्हिडिओही व्हायरल झाला आहे, ज्यामध्ये घरगुती उपायाने केस मुळापासून काळे होत असल्याचा दावा केला जात आहे. एवढेच नाही तर हा घरगुती उपाय वापरणाऱ्यांचे केस कायमचे काळे होतील असा दावा केला जातोय.

या आठवड्यात सर्वत्र मोठ्याप्रमाणात व्हायरल झाला तो पाण्याच्या प्रवाह विरोधात तरंगणाऱ्या जडी बुटीचा दावा. पेट्रोल पंपावर काही लुटारू किचेन वाटून आपला पाठलाग करतात आणि आपल्याला लुटू शकतात, हा समाजात भीती पसरविणारा दावा व्हायरल झाला होता. नासाने सूर्यातून येणार आवाज रेकॉर्ड केला असून त्यातून ओम असा आवाज येतो अशी पोस्ट पसरविण्यात आली. पंतप्रधान नरेंद्र मोदी गुजरातला गेले असता त्यांनी आपल्या आई सोबत पत्नीचीही भेट घेतल्याचा दावा करण्यात आला. नटराज पेन्सिल कंपनीत पॅकेजिंग चा जॉब आहे आणि घरबसल्या पॅकेजिंग करून आपण ३० हजार रुपये कमवू शकता असा दावा करून अनेकांना ठकविण्यात येत असल्याचे निदर्शनास आले. या आणि इतर दाव्याचे सत्य आमच्या या रिपोर्टमध्ये वाचता येईल.

महाराष्ट्र आणि विशेषतः बेळगावसह कर्नाटक आणि महाराष्ट्राशी जोडलेल्या सीमाभागात एक मेसेज सध्या मोठ्याप्रमाणात व्हायरल होत आहे. "सावधान, पेट्रोल पंप किंवा शॉपिंग मॉल मध्ये एकाद्या उत्पादनाच्या प्रमोशन च्या नावाखाली आपल्याला किचेन दिले जात आहेत. ते स्वीकारू नका. कारण त्या किचेन मधील विशिष्ट डिव्हाईस च्या माध्यमातून ट्रॅक होऊन तुम्ही लुटले जाऊ शकता." असे तो मेसेज सांगतो.

अनेक सोशल मीडिया वापरकर्ते दावा करत आहेत की, सूर्याचा आवाज रेकॉर्ड केल्यानंतर नासाच्या लक्षात आले की त्यातून ओमचा आवाज येतो.

गुजरात निवडणुकीदरम्यान पंतप्रधान मोदी 4 डिसेंबर 2022 रोजी गांधीनगरमध्ये त्यांच्या आईला भेटायला गेले होते. पीएम मोदींच्या त्यांच्या आईसोबतच्या या भेटीचे सर्व फोटो सोशल मीडियावर व्हायरल होत आहेत. दरम्यान, एक फोटो देखील शेअर केला जात आहे ज्यामध्ये पीएम मोदी त्यांची आई आणि जशोदाबेनसोबत सोफ्यावर बसलेले दिसत आहेत.

"नटराज पेन्सिल पॅकिंग जॉब, घरून काम. अर्धवेळ नोकरी. दरमहा 30000 पगार. कामासाठी स्त्री-पुरुषांची तातडीची गरज. माझा संपर्क क्रमांक आणि व्हॉट्सअप नंबर." असे या पोस्ट मध्ये सांगितले जात आहे. अनेक पोस्टमध्ये संपर्क क्रमांक म्हणून वेगवेगळे क्रमांक दिलेले आहेत.

सोशल मीडियावर अनेक गोष्टी व्हायरल होत असतात. असाच एक व्हिडीओ सध्या तुफानी व्हायरल होत आहे. हिमालयात आढळणारी एक जडी बुटी आहे आणि ती पाण्याच्या प्रवाहाच्या विरोधात तरंगते असे सांगून एक पोस्ट व्हायरल केली जात आहेत. ही वनस्पती एक जडी बुटी असून ती अद्भुत आहे असा दावा करण्यात येत आहे.

गृहमंत्रालयाच्या अधिकाऱ्यांच्या वेशात लुटारू येत आहेत. त्यांच्याकडे लेटरहेड, शिक्के आणि इतर साहित्य असते. त्यांना घरी घेऊ नका. कारण घर लुटण्याचा आधुनिक मार्ग लुटारूंनी शोधून काढला आहे. असे सांगणारे आणि सावध करणारे संदेश सध्या जोरदार फिरू लागले आहेत. जनगणना आणि आयुष्यमान योजनेच्या नावाखाली हे लुटारू येत असून सावधान असा दावा केला जात आहे. व्हाट्सअप च्या माध्यमातून हे संदेश व्हायरल झाल्याचे आमच्या निदर्शनास आले.

आपल्या भारत देशात किंवा महाराष्ट्रात मशिदींपेक्षा जास्त दराने मंदिरांसाठी वीजबिल आकारले जाते. असा दावा सध्या केला जात आहे. इतर राज्यांप्रमाणेच महाराष्ट्रात देखील असा दावा करणारे मेसेज व्हायरल होत आहेत. आपला देश एकीकडे धर्मनिरपेक्ष म्हणायचा आणि दुसरीकडे मंदिर आणि मशिदीच्या बाबतीत असा दुजाभाव करायचा असे सुरु असल्याचे व्हायरल मेसेज सांगतो.